“Nasaf” (Qarshi) – “Mashal” (Muborak)
Hakamlar: V. Kovalenko (Toshkent), N. Ro'zimov (toshkent), S. Ulfatov (Toshkent vil.), S. Abdurahmonov (Toshkent)
Nazoratchi: I. Sharipov (Buxoro)
O'zPFL vakili: A. Inoyatov

Jadvaldagi o'rni: "Nasaf" 3-o'rinda - 17 ochko. "Mashal" 7-o'rinda - 15 ochko. Agar bugun muborakliklar zafar quchsa, "Nasaf"dan o'zib ketishadi.

O'yindan nima kutyapmiz? Avvallari "Nasaf" o'z maydonida "Mashal" bilan o'ynaganida ustunlik ko'proq qarshiliklar tomonida bo'lardi. Bugungi bahs oldidan ham shunday deya olamizmi? Agar "Mashal" astoydil kurash olib boradigan bo'lsa safarda ochko olishi mumkin. Lekin ikkinchi tomondan bu jamoa oxirgi safar o'yinida "So'g'diyona"ga yirik 0:3 hisobida yutqazib qo'ydi. Shunday ekan, bugun nima bo'ladi, hayronmiz.

Fakt: "Mashal" safarda shu paytgacha faqat bitta o'yinda g'alaba qozongan. Jamoa kichik voha derbisida "SHO'rtan"ni 2:0 hisobida mag'lub etib qaytdi. Shundan so'ng muborakliklar ikki o'yinda durang o'ynab, bir bor mag'lub bo'lgan.

Bilasizmi? "Mashal" ketma-ket ikki o'yindan beri to'p kirita olmayapti. Va albatta gol urmagan o'yinlarda g'alaba qozona olmadi.

Fakt: "Nasaf" shu paytgacha uydagi to'rtta uchrashuvni ham g'alaba bilan yakunladi. To'plar nisbati 9-1. Uydagi hamma o'yinlarda g'alaba qozongan yana bir jamoa bu - "Lokomotiv".

Bilasizmi? "Nasaf" uydagi bellashuvlarda "Buxoro", "So'g'diyona", "Obod" va "Neftchi" klublaridan ustun kelgan. Qizig'i, bu jamoa mana shu to'rtta o'yindan uchtasida gol o'tkazmasdan g'alaba qozongan.

Bilasizmi? "Nasaf" ketma-ket to'rt turdan beri mag'lub bo'lmayapti. Qarshiliklar oxirgi marta 6-turda "Loko"ga 1:2 hisobida imkoniyatni boy berishgan.

Bugun futbol. "Nasaf" - "Mashal"