O'zPFL 22-tur
“Obod” (Toshkent) – “Nasaf” (Qarshi)
22.09.2017. TTYMI stadioni. 16:00da
Bosh hakam: Vadim Agishev (Toshkent)
Qanot hakamlari: Nabiyjon Ro'zimov (Toshkent), Sultonmurod Ulfatov (Toshk.vil.)
Zaxira hakami: Rustam Lutfulin (Toshkent)
Nazoratchi: Farxod Abdullaev (Toshkent)
O'zPFL vakili: Baxtiyor Mametov.

Bugun jamoalar o'z tarixidagi to'rtinchi o'zaro uchrashuvida maydonga tushadilar. Bo'lib o'tgan uch uchrashuvda ham “ajdarlar” g'alabaga erishgan. “Obod” jamoasi o'tgan uchrashuvlarda “Nasaf” darvozasiga bironta to'p kirita olmagan. To'plar nisbati bo'yicha ham ustunlik "Nasaf" tomonida, bu 5:0ni tashkil etadi.

Toshkentda bu jamoalar faqat o'tgan yili o'zaro bellashgan, unda "Nasaf" 3:0 hisobida “Obod”ni mag'lub etgan. Qarshida bo'lgan uchrashuvlarda kichik 1:0 hisoblari qayd etilgan.

“Obod” jamoasi autsayderlar qatorida borayotgan bo'lsada. Bu jamoaning himoyada tartibli o'ynashi hammaga malum. Albatta uchrashuvni o'z maydonida o'tkazayotgan har bir jamoa hujumkor o'yin namoyish etadi. Murabbiylar shularni hisobga olib, futbolchilariga kerakli ko'rsatmalarni berishi turgan gap.

Bugungi uchrashuvda tajribali himoyachi Akmal Shorahmedov "Nasaf"ga yordam bera olmaydi. Uning sariq kartochkalari soni to'rttaga etgani bois, bugungi uchrashuvni o'tkazib yuborishga majbur.

“Obod” – “Nasaf” jamoalarining turnir jadvalidagi holatiga qaramasdan, bo'lajak uchrashuvni qiziqarli va murosasiz kurashlarga boy tarzda o'tishini oldindan bemalol taxmin qilsa bo'ladi. Zero, jamoa har qanday uchrashuvga puxta tayyorgarlik ko'radi va muxlisbop o'yin namoyish etadi.

Shunday ekan, ushbu qiziqarli uchrashuvni o'tkazib yubormang.

Bugun futbol. “Obod” – “Nasaf”