Bugun "Qo'qon-1912" o'z maydonida amaldagi chempion "Lokomotiv"ni qabul qiladi. O'yin 17:30da boshlanadi.

Oliy liga. 11-tur. 17 may
"Qo'qon-1912" - "Lokomotiv"
Hakamlar: V. Ceytlin (Toshkent), A. Snetkov (Toshkent vil.), A. Kalinin (Qarshi), A. Shukurullaev (Toshkent).
Nazoratchi: A. Arutyunov (Toshkent).
PFL vakili: B. Mametov.

O'yindan nima kutyapmiz? Turnir jadvalida birinchi-ikkinchi o'rinda borayotgan jamoalarning o'zaro qarama-qarshiligi. Bugun Qo'qon shahrida qiziqarli bahs kechishi kutilmoqda. Ikkala jamoa ham g'alaba maqsadida maydonga tushsa ajab emas. Imkoniyatlar borasida "Lokomotiv"ning ustunligini ayta olamiz, chunki toshkentliklar tarkib jihatdan kuchli, biroq hammasini maydondagi kurash hal qiladi.

Turnir jadvalidagi vaziyat: "Lokomotiv" 22 ochko bilan peshqadamlikni o'z qo'lida ushlab turibdi. "Qo'qon-1912" esa raqibidan 3 ochko kam jamg'argan holda ikkinchi o'rinda bormoqda.

Fakt: Bugun "Qo'qon-1912" o'z maydonida oltinchi uchrashuvini o'tkazadi. Avvalgi besh o'yinda qo'qonliklar uchta g'alabaga erishgan holda bir martadan durang va mag'lub bo'lishgan. To'plar nisbati 8-4. "Qo'qon-1912" o'z uyidagi bahslarda 10 ochkoni qo'lga kiritgan.

Fakt: "Qo'qon-1912" uyda "Qizilqum" (1:0), "Dinamo" (2:1) va "Metallurg"dan (3:0) ustun kelgan. "Paxtakor" bilan durang (1:1) o'ynagan bo'lsa, "Nasaf"ga (1:2) imkoniyatni boy bergan.

Bilasizmi? Ikkala jamoa ham mavsum boshidan beri faqat bir martadan mag'lubiyatga uchradi. "Qo'qon-1912" o'z maydonida "Nasaf"dan engilgan bo'lsa, "Lokomotiv" G'uzorda "Sho'rtan"ga imkoniyatni boy bergan.

Fakt: Bugungi o'yin "Loko" uchun safardagi beshinchi bahs bo'ladi. Jamoa avvalgi to'rtta o'yinning ikkitasida zafar quchgan. "Mashal" va "Paxtakor" klublari mag'lub etilgan. "Navbahor" bilan durang o'ynalgan bo'lsa, "temiryo'lchilar" "Sho'rtan"ga yutqazib qo'yishgan. Safardagi uchrashuvlarda to'plar nisbati 5-5.

Bilasizmi? "Lokomotiv" oliy ligada qatorasiga beshta o'yindan beri yutqazmay kelmoqda: to'rt g'alaba va bir durang. To'plar nisbati 15-4.

Esingizdami? 2015 yilgi mavsumda "Qo'qon-1912" o'zida "Loko" bilan 2:2 o'ynagan va uchrashuvdan so'ng "termiryo'lchilar"ning o'sha paytdagi bosh murabbiyi Vadim Abramov istefoga chiqarilgandi. O'tgan yilgi bellashuvda esa "Lokomotiv" safardan 3:1 hisobidagi g'alaba bilan qaytgan.

Bugun futbol. "Qo'qon-1912" - "Lokomotiv"