Musobaqa jadvalida "Qo'qon-1912" 15 ochko jamg'argan holda 8-o'rinni egallab turibdi. "Qizilqum" esa 10 ochko bilan 11-o'rinda bormoqda.

O'tgan turni "Qizilqum" ajoyib o'tkazdi. Jamoa sal qolsa Toshkentda "Lokomotiv"ni mag'lub etishi mumkin edi, ammo kutilmaganda o'tkazib yuborilgan gol mehmonlarni qimmatli ikki ochkodan mahrum etdi.

"Qo'qon-1912" jamoasi avvalgi turda o'z maydonida yutqazib qo'ydi. Va bu qo'qonliklarning uydagi ilk mag'lubiyati bo'ldi. Umuman olganda, "Qo'qon-1912" bungacha o'z maydonida beshta o'yinda maydonga tushib, shundan ikkitasida g'alaba qozongan va ikki bor durang qayd etgan. Qo'qonliklar uyda "Navbahor" va "Bunyodkor"ni mag'lub etishgan.

"Qizilqum" bugun safarda 6-o'yinini o'tkazadi. Navoiyliklar bungacha o'tkazilgan o'yinlarning faqat bittasida g'olib chiqishgan. "Qizilqum" safarda faqat "So'g'diyona"ni mag'lub eta olgan, xolos.

Bilasizmi? "Qo'qon-1912" oxirgi uch turdan beri g'alaba qozona olmayapti. Xuddi shuningdek, "Qizilqum" ham oxirgi uchta o'yinda g'alabaga erisha olmadi.

Har ikkala jamoa oxirgi uch ochkosini o'z maydonida qo'lga kiritgan. "Qo'qon-1912" "Bunyodkor"ni 1:0 hisobida mag'lub etgan bo'lsa, "Qizilqum" AGMKdan 3:0 hisobida ustun kelgan.

Bugun futbol. "Qo'qon-1912" - "Qizilqum"