Yaponiya J ligasida Fozil Musaev to'p tepayotgan "Jubilo Ivata" klubi o'z maydonida "Shmicu"ni qabul qiladi. Uchrashuv Toshkent vaqti bilan soat 11:00da boshlanadi.
11:00da Janubiy Koreya K2 ligasida o'zbekistonliklar to'qnashuvi bo'lishi kutilmoqda. Rustam Ashurmatov faoliyat olib borayotgan "Gvangju" klubi o'z maydonida Sanjar Tursunov va Shohruh Gadoev o'ynayotgan "Tedjon Sitizen"ni qabul qiladi.
Janubiy Koreya K ligasida Ikrom Aliboev faoliyat olib borayotgan "Seul" jamoasi esa safarda "Gangvon" mehmoni bo'ladi. Ushbu bahs 12:00da start oladi.
Soat 12:00da Yaponiya J2 ligasida Dostonbek Tursunov o'ynayotgan "Renofa Yamaguchi" klubi o'z maydonida "Kagoshima Yunayted"ni qabul qiladi.
Ushbu ligada Zabihillo O'rinboev to'p tepayotgan "Tokushima Vortis" klubi o'z uyida "Exime"ni qabul qiladi. Bu bahs 12:00da start oladi.
Xitoy Superligasida Odil Ahmedov o'ynayotgan "Shanxay SIPG" o'z muxlislari qarshisida "Xubey Orient"ni mehmon qiladi. Bu o'yin soat 16:35ga belgilangan.
Soat 21:00da Rossiya premer-ligasi doirasidagi "Rostov" - "Spartak" uchrashuvi boshlanadi. Maydon egalari safida hamyurtimiz Eldor Shomurodov o'ynamoqda.
Sardor Rashidov faoliyat olib borayotgan Portugaliyaning "Nasonal" klubi safarda "Boavishta"ga qarshi maydonga tushadi. Bu o'yin Toshkent vaqti bilan soat 21:30da boshlanadi.
Izohlar