Тожикистон терма жамоаси 23 нафар футболчи билан Баҳрайн пойтахти Манама шаҳрига етиб борди. Манамада жамоа ихтиёрига Болгариянинг «Дунав» клубидан Искандар Жалилов, «Баҳрайн» клуби аъзоси Нозим Бобожонов ва Болгариянинг «Локомотив» (Пловдив) клуби вакили Парвизжон Умарбоев қўшилишди.

Тожикистон терма жамоаси «Downtown Rotana» меҳмонхонасига жойлашди. Кеча Фузайлов шогирдлари расмий ўйинолди машғулотни ўтказишди.

Баҳрайн ва Тожикистон ўртасидаги баҳс 23 март куни, Манамадаги Миллий стадионда бўлиб ўтади. Учрашув маҳаллий вақт билан соат 18:30да (Тошкент вақти билан 22:00) бошланади.

Тожикистоннинг Баҳрайнга келган футболчилар рўйхати:

Дарвозабонлар: Абдуазиз Маҳкамов («Олой», Қирғизистон), Қурбонали Бобоев («Истиқлол»), Далер Азизов («Регар-ТадАЗ»);

Ҳимоячилар: Давронжон Эргашев («Тараз», Қозоғистон), Искандар Жалилов («Дунав», Болгария), Сиёвуш Асроров, Амирбек Жўрабоев, Табрези Давлатмир, Ахтам Назаров, Ромиш Жалилов (барчаси – «Истиқлол»), Ойбек Абдуғаффоров («Хосилот»);

Ярим ҳимоячилар: Парвизжон Умарбоев («Локомотив», Пловдив, Болгария), Нозим Бобожонов («Баҳрайн», Баҳрайн), Умеджон Шарипов («Машъал», Ўзбекистон), Нуриддин Давронов, Фатхулло Фатхуллоев, Эхсони Паншанбе, Жаҳонгир Алиев (барчаси – «Истиқлол»), Муҳаммаджони Ҳасан («Хосилот»);

Ҳужумчилар: Манучеҳр Жалилов, Жаҳонгир Эргашев, Дилшод Восиев (барчаси – «Истиқлол»), Давронжон Тўхтасунов («Хўжанд»).

Бош мураббий – Ҳаким Фузайлов.

Бугун Тожикистон Баҳрайн билан ўртоқлик учрашуви ўтказади