Lekin jamoaning oxirgi 10 yillik tarixiga nazar solsangiz, klub irodasiga tan bermaslikning ilojisi yo'q. Quyida etiboringizga Evropa ligasi finalchisining tarixiga nazar solamiz.

Uchinchi ligaga tushirilib yuborilishi

Diqqat qiling, “Reynjers” qariyb 10 yil muqaddam bankrot holatida Shotlandiya Ikkinchi ligasi (uchinchi raqamli divizion)ga tushirib yuborildi. Chindan ham o'sha vaqtda klub bankrot yoqqasiga kelgan. Hattoki, jamoani tarqatib yuborish fikri ham bo'lgan. Ulkan tarixga ega bo'lganligi bois, uni saqlab qolish va imkon qadar qaddini tiklash bo'yicha muxlislar ham astoydil harakat qilishdi.

Ortga qaytish

Glazgoliklar sekin-asta homiylar topib, Shotlandiya elit ligasi – Premer-liga ortida turuvchi Chempionshipga qaytish uchun atigi 2 mavsum sarflashdi. Atigi 2 mavsum. Aniqroq qilib aytganda, 2012 yili quyiga tushirib yuborilgan jamoa darhol Chempionshipga qaytdi. Kerakli homiclar hisobiga jamoa 2016 yilda mazkur ligada g'olib bo'lib, kuchlilar safiga ko'tarildi. Bu vaqt davomida asosan yoshlar va ayrim tajribali ijrochilar hisobiga “Reynjers” shakllantirildi.

Uzoq kutilgan chempionlik

2021 yil “Reynjers” uchun muhim yillardan biriga aylandi. Klub bankrotlik sabab quyiga ravona qilingan vaqtida hech kim “Reynjers”ni yana chempion bo'lishini taxmin qilmagan. “Seltik”ning uzoq yillik gegemonligini aytishgandi. Stiven Jerrard glazgoliklarni qabul qilib olib, ajoyib tarzda jamoa shakllantirdi. Jermeyn Defo, Jon Flanagan kabi ingliz ijrochilari taklif qilindi. Yoshlarga etibor qaratdi. Bu esa chempionatni mag'lubiyatsiz yakunlagan holda chempionlikni taqdim qildi. Bu esa klubning qanchalik metindek irodasi ekanligidan dalolat.

Darqove, glazgoliklarning muxlislari Jerrardni yaxshi xotiralar bilan eslashadi. U tarix yozib keta oldi.

Xalqaro maydondagi muvaffaqiyat

Diqqat qiling, “Reynjers” joriy mavsum evroarenada ham o'ynashni unutmaganini to'liq isbotlab, Evropa ligasi finaliga yo'l oldi. To'g'ri, jamoa Shotlandiya Premer-ligasi chempionligini azaliy raqibiga topshirib bo'ldi. Biroq “Ayntraxt”ga qarshi kechadigan bahs orqali g'alaba qozonsa, 10 yil ichida botqoqlikdan yuqoriga tez ko'tarilgan jamoa sifatida ko'p yillar yanada eslashlari mumkin.

Bukilgan qaddini tezda rostlagan “Reynjers”