O'tgan mavsumdagi kabi bu yil ham LLF Kubogi 16ta jamoa ishtirokida start oldi. Jamoalar to'rttadan to'rt guruhga bo'lindi.

A guruhi: PROGRESS, OLD SCHOOL, UZPSB, MEGA BO'STON.

B guruhi: GOV.RUK, VOSTOK, TShTT, UZDTV.

C guruhi: DO'STLIK, DHL, MYDEKLARANT, CENTRAL BETON.

D guruhi: KORZINKA, TTT, 21-MAKTAB, ERMAK.

Musobaqa formatiga ko'ra, guruh o'yinlari yakuniga etgach, 1-2 o'rinlar "Oltin Kubok", 3-4 o'rindagilar esa "Kumush Kubok" uchun yurishni davom ettiradigan bo'ldi.

Bunda chorak final va yarim final uchun alohida qura tashlash marosimi o'tkazildi. "Kumush Kubok"ning 1/4 final bahslarida quyidagi natijalar qayd etildi:

OLD SCHOOL - DO'STLIK 6:2
GOV.RUK - MEGA BO'STON 2:5
KORZINKA - CENTRAL BETON 4:2
21-MAKTAB - TShTT 3:5

"Oltin Kubok"ning chorak final natijalari esa quyidagicha bo'ldi:

PROGRESS - ERMAK 4:5
DHL - TTT +/-
UZPSB - UZDTV 2:2 (penaltilar 5:4)
MYDEKLARANT - VOSTOK 2:2 (penaltilar 2:3)

LLF "Kumush Kubok"ning yarim final bosqichida dastlab KORZINKA - OLD SCHOOL uchrashuvi bo'lib o'tdi va bunda KORZINKA jamoasi 5:4 hisobida zafar quchdi. MEGA BO'STON - TShTT bahsi esa 4:4 hisobida yakun topib, penaltilar seriyasida 5:4 natijasi bilan TShTT jamoasining qo'li baland keldi.

LLF "Oltin Kubok"ning yarim final uchrashuvlari ham qizg'in kechdi. Aytish mumkinki, bu bosqichda havaskorlar o'rtasidagi eng kuchli jamoalar o'zaro bahs olib bordi. DHL - ERMAK o'yinida hisob ochilmadi va penaltilar seriyasida ERMAK 4:3 hisobida zafar quchib, finalga yo'l oldi. 1/2 finalning ikkinchi uchrashuvi VOSTOK va UZPSB o'rtasida kechib, bunda UZPSB 4:2 hisobida g'alaba qozonib, finalga yo'l oldi.

Aytib o'tganimizdek, ertaga "Paxtakor-Yoshlik" zalida ikkita final o'yini bo'lib o'tadi. Dastlab 12:30da KORZINKA va TShTT "Kumush Kubok" uchun maydonga tushsa, soat 13:30dan boshlab "Oltin Kubok" uchun bahs boshlanadi va bunda ERMAK va UZPSB o'zaro kuch sinashadi.

Yana bir malumot shuki, finalga chiqqan har to'rtta jamoa bosh murabbiyi Konstantin Sviridov hisoblanadi. O'z paytining mohir futzalchisi, milliy terma jamoada o'ynagan Sviridov murabbiylik faoliyatida ham sekin-asta cho'qqilarni zabt etmoqda. Ertangi o'yinlardan keyin qaysidir jamoa kubokni ko'taradi, kimdir mag'lub bo'ladi, lekin shunisi aniq - Sviridov yutqazmaydi.

Darvoqe, har ikki final yakuniga etganidan so'ng taqdirlash marosimi o'tkaziladi. Bunda g'oliblarga kubok topshirilishidan oldin har ikki kubokning "Eng yaxshi darvozaboni" va "Eng yaxshi futzalchisi" aniqlanadi. Futbol va futzal muxlislarini 25 avgust kuni "Paxtakor-Yoshlik" sport majmuasiga taklif etib qolamiz.

Bunaqasi hali bo'lmagan: Sviridovning 4ta jamoasi finalda!