Myunxenning "Augsburg" jamoasi ushbu turda o'z uyida "RB Leypcig"ni qabul qiladi.

Manuel Baum boshchiligidagi "Augsburg" jamoasining joriy mavsumda ishlari yurishmayapti. "Augsburg" barqaror o'yin ko'rsata olmayapti. Jamoaning o'yini bir tekisda emas. Shu boisdan ham ularning egallab turgan o'rinlari ham shunga mos ravishda, yani 13-pog'ona.
Manuel Baum jamoasining bugungi raqiblari, aniqrog'i Ralf Xazenxyuttl boshqarayotgan "RB Leypcig" esa turnir jadvalida "Bavariya"ni quvishda davom etmoqda. Bundesligadagi o'zining debyut mavsumini ajoyib ruhda o'tkazayotgan "buqalar" birinchi davra o'yinida "Augsburg"ni mag'lub etishni uddasidan chiqishgandi. Bu gal ham aynan shu maqsadda Myunxenga tashrif aylashgan.
"Augsburg" esa o'z uyida birinchi davradagi mag'lubiyat alamini olishga shaylanmoqda.
Ikkala jamoa ham tajovuzkor futbol ko'rsatishni xush ko'radigan jamoalar sirasiga kirishadi.

Bu esa ushbu bahs muxlislarni zeriktirib qo'ymasligidan dalolat.

Uchrashuv bugun tunda, soat 00:30da boshlanadi.

Bundesliga, 23-tur. Turnir jadvali
"Augsburg" - "RB Leypcig" (00:30) (Setanta Sport + - Aleziya.com (TAS-IX)
"VVK Arena" stadioni.
Bosh hakam: Patrik Ittrix.

O'zaro o'yinlardagi fakt:
Bu jamoalar Bundesligada ushbu mavsumda tqo'nash kelishdi. Birinchi davra bellashuvida "buqalar"ning qo'li baland kelgandi. Ungacha esa 2011 hamda 2013 yillari bu ikki jamoa Germaniya kubogi doirasida o'zaro bellashgan va ularning har ikkalasida ham "Augsburg" g'alaba nashidasini surgan. Hozircha kichik ustunlik "Augsburg" tarafida.

Bundesliga, 23-tur. Prevyu: Turning dastlabki bahsi Myunxenda o'tadi