Мюнхенда "Бавария" меҳмони бўлган "Боруссия" Мёнхенгладбах Мануэль Нойер дарвозасига жавобсиз учта тўп йўллади. Плеа, Ларс Штиндль ва Херманннинг голлари Дитер Хеккинг жамоасига ғалабани тақдим этди. Натижада мёнхенгладбахликлар турнир жадвалида "Бавария"ни қувиб ўтишни уддалашди.

Нико Ковач жамоаси эса турнир жадвалида 5-ўринга тушиб кетди. Агарда эртага "Лейпциг" "Нюрнберг"ни мағлуб этишни уддаласа, унда Ковач бошқарувидаги "Бавария" "кучли-бешлик"ни ҳам тарк этади.

Шу тариқа "Бавария" жамоаси ФИФА куни муносабати билан бўладиган кичик танаффусга пешқадамлар сафини тарк этган ҳолда чиқиб кетмоқда.

Шуни қайд этиш жоизки, "Бавария" Ковач қўл остида дастлабки 7 ўйинни ғалаба билан бошлаб, охирги 4 учрашувдан буён ғалаба қозона олмай келмоқда. Жамоа ўз уйидаги охирги 7 беллашувдан буён гол ўтказиб юбормоқда. Бундай ҳолат сўнгги бор 10 йил илгари кузатилганди.

Шунингдек, "Бавария" охирги йилларда Бундеслигада энг кўп очкони айнан Мёнхенгладбахнинг "Боруссия"га қарши ўйинда йўқотмоқда. Бу гал ҳам ушбу ҳолат такрорланди.

Бундеслига, 7-тур.

Бавария – Боруссия М 0:3 (0:2, 0:1)

«Альянц-Арена»

Голлар: 0:1 – 10 Плеа, 0:2 – 16 Штиндль, 0:3 – 88 Херрманн.

Бавария – Нойер, Зюле, Алаба (Саншеш, 55), Киммих, Хуммельс, Роббен (Рибери, 46), Алькантара, Горетцка, Хамес, Левандовски, Мюллер (Гнабри, 46).

Боруссия М –Зоммер, Гинтер, Вендт, Ланг, Эльведи, Хофманн, Крамер, Нойхаус (Херрманн, 74), Азар (Траоре, 83), Плеа, Штиндль (Закария, 66).

Огоҳлантиришлар: Рибери (56), Хофманн (78), Закария (90), Хамес (90).

Бундеслига: "Бавария" ўз уйида тор-мор этилди, жамоа "кучли учталик"дан улоқтирилди