O'tkazilgan 9 uchrashuvning barchasida muxlislar gol ko'rishdi. Mazkur turda jami 23ta gol kiritildi. Mezbon jamoalar 15ta golga mualliflik qilishgan bo'lsa, mehmonlar 8 marotaba raqib darvozasini ishg'ol etishni uddasidan chiqishdi.

Bundesliganing birinchi turida faqatgina Bremendagi bahs durang bilan yakunlandi. Olti o'yinda esa mezbonlar, qolgan ikki uchrashuvda mehmonlar g'alaba qozonishdi.

Bundesliganing birinchi turidagi ko'plab o'yinlarda hakamlarning qarorlarini VAR tizimi tuzatishga muvaffaq bo'ldi. Myunxendagi bahsda "Bavariya"ning penaltidan keyin kiritgan goli qoida xilof ravishda urilganini aniqlagan VAR 11-metrlikni "nuqta"ni qaytadan belgiladi. Shuningdek, Myuller tomonidan kiritilgan yana bir gol VAR tufayli bekor qilindi.

"Volfsburg" - "Shalke" uchrashuvida hakam chetlatgan futbolchini VAR maydonga qaytardi. Aksincha, ogohlantirish olgan himoyachi esa VAR tufayli maydondan chetlatildi. Umuman Bundesliganing birinchi turi VARning benefisiga aylanib ketdi.

Germaniya chempionatining ilk uchrashuvida amaldagi chempion "Bavariya"ning "Xoffenxaym" ustidan qozongan g'alabasi bilan boshlandi.

O'tgan mavsumda vice-chempion bo'lgan "Shalke" turning markaziy o'yinlaridan birida Bundesligada arang jon saqlab qolgan "Volfsburg"ga imkoniyatni boy berdi. Garchi uchrashuv "bo'rilar" maydonida bo'lgan bo'lsada, ko'pchilik mazkur bahsda gelzerkirxenliklarning imkoniyatlarini yuqoriroq chamalayotgandi. Lekin Bruno Labbadia shogirdlari barcha taxminlarni chippakka chiqardi.

Leverkuzenning "Bayer" jamoasi esa Myonxengladbaxda katta qarshilikka uchradi va o'yin Ditek Xekking boshqaruvidagi "Borussiya"ning ishonchli g'alabasi bilan yakunlandi. Garchi "Bayer"da ko'plab vaziyatlar bo'lgan bo'lsada, "dorishunoslar" Zommer darvozasiga yo'l topa olishmadi.

Dortmundda o'tgan turning oxirgi to'qnashuvida Lyusen Favr boshchiligidagi "Borussiya" "Leypcig"ni yirik hisobda mag'lub etdi. O'yinning ilk daqiqasidayoq hisobni ochgan mezbonlar, tanaffusga qadar 3ta to'p o'tkazib yuborishdi. O'yin so'nggida esa yana bir bor gol qo'yvorgan "Leypcig" mavsumdagi dastlabki o'yindayoq mag'lub bo'ldi.

Turning kutilmagan natijalaridan biri "Maync" hamda "Shtutgart" o'rtasidagi bahsda sodir bo'ldi. Tarkib jihatdan kuchli sanalgan "Shtutgart" "Maync" maydonida mezbonlarga taslim bo'lishdi.

Niko Kovachni "Bavariya"ga jo'natgan "Ayntraxt" Adolf Xyutter qo'l ostida chempionatdagi ilk bellashuvda g'alabani rasmiylashtirdi. "Frayburg" mehmoni bo'lgan "Ayntraxt" Nikolay Myuller va Sebastyan Xallerning gollari evaziga ishonchli g'alabani tantana qilishdi.

Berlinda esa "Gerta" Bundesligaga qaytgan "Nyurnberg"ni Ibishevichning yagona goli evaziga mag'lub etdi. Dyusseldorfning "Fortuna" jamoasi esa o'z uyida "Augsburg"ga taslim bo'ldi. Bremenda esa "Verder" "Gannover" bilan murosa yo'lini tanladi.

Bundesliga 1-turida qayd etilgan natijalar.

Bundesliga 1-turidan so'ng turnir jadvali.

Bundesliga. Tur yakunlari haqida