Бундеслига 2'нинг 2-поғонада бораётган "Гамбург" бугун мусобақанинг 32-турида "Оснабрюк" (1:1) жамоаси билан дуранг ўйнади. Гамбургликларнинг очко йўқотиши пешқадам "Арминия" клуби учун айни муддао бўлди. Чунки ҳисобида 61 очкоси бор мазкур клуб ва "Гамбург" орасидаги тафоввут 7 очкога етди. Шу тариқа "Арминия" 2008-09 йилги мавсумдан буён илк марта Германия Бундеслигасининг юқори дивизионида иштирок этиш ҳуқуқини қўлга киритди.

Маълумот учун, "Гамбург", "Штутгарт" ва "Хайденхайм" клубларида ҳам 2 ва 3-ўринлар орқали юқори дивизионга чиқиш имконияти сақланиб турибди.

Бундеслига йўлланмасига эга чиққан илк клуб номи маълум бўлди