2013 yilgi mavsum arafasida, O'zbekiston nohavaskor va yarim professional futbol klublari o'rtasidagi musobaqalar 2013 yilgi Reglamentiga O'zbekiston Chempionati g'olibi va Kubok sohibini pul mukofot bilan taqdirlash to'g'risidagi bandlar kiritilgan edi.

Shunga asosan, Reglamentning 14.1-moddasiga muvofiq, O'zbekiston chempionligini qo'lga kiritgani uchun 100 million so'm, Reglamentning 14.6-moddasiga muvofiq, O'zbekiston Kubogi bahslarida g'olib chiqqani uchun 50 million so'm miqdoridagi mukofot puli Bunyodkor futbol klubiga topshirildi.

Eslatib o'tamiz, 2013 yilning 25 sentyabr kuni bo'lib o'tgan O'zbekiston Kubogi finalida Bunyodkor futbolchilari Qarshining Nasaf jamoasini mag'lubiyatga uchratgan, 8 noyabr kuni yakuniga etgan Oliy Liga-2013 bahslarida, so'nggi turga qadar izma-iz taqib etib borgan Lokomotiv va Nasaf jamoalarini ortda qoldirib, o'z tarixida beshinchi marta O'zbekiston chempionligini qo'lga kiritgan edi.

Bunyodkor 150 million so'm bilan mukofotlandi