28 yanvar kuni "Bunyodkor" bosh murabbiyi Ivan Boshkovich Ligaga murojaat qilib, u va klub o'rtasida 2022 yilning 27 dekabr kuni imzolangan hamda qo'shimchalar kiritilgan mehnat shartnomasi bir oy ichida musobaqa o'tkazuvchi tashkilot tomonidan ro'yxatdan o'tkazilmaganligini malum qilgandi.

Bu bilan "Bunyodkor" futbol klubi "Superliga va Pro liga reglamenti"ning 12.2-bandini buzgan. Shundan kelib chiqib, Liga ishni O'FA tegishli qo'mitasiga oshirgandi. Mazkur masala bugun bo'lib o'tadigan yig'ilishda ko'rib chiqiladi.

Unga qadar esa klub va bosh murabbiy o'rtasida tinchlik kelishuvi imzolandi. Jarayon Liga ofisida bayonlashtirilgan bo'lib, unga ko'ra "Bunyodkor" futbol klubi o'zaro shartnoma asosida barcha moliyaviy majburiyatlarni bajardi hamda Boshkovich bilan mehnat shartnomasini bekor qildi. Endilikda "Bunyodkor" O'FA qo'mitasining qarorini kutishi kerak bo'ladi. Shundan keyin klub yangi bosh murabbiyni Liga ro'yxatidan o'tkazishi mumkin.

"Bunyodkor" Boshkovich bilan shartnomani bekor qildi