- "Nasaf" jamoasi haqida fikrlaringiz
- "Nasaf" juda kuchli jamoa. Eldor Suyunov o'zimning ukamdek bo'lib ketgan, terma jamoa bilan bir nechta safarlarga borganimizda u bilan suhbatlashib ketardik. Jamoaning muxlislar klubi bilan yaxshi tanishmiz. O'ktam aka, Ziyodulla aka kabi insonlar bilan qadrdonmiz.

- "Bunyodkor" nimaning evaziga kubokni qo'lga kiritishi mumkin?
- Birdamlik bo'lishi kerak, barcha bir yoqadan bosh chiqarishi lozim. Futbolchilar jamoa nomi, muxlislar uchun o'ynab berishsa kubokni qo'lga kiritamiz.

- "Bunyodkor" muxlislar klubi finalga qanday tayyorgarlik ko'rmoqda?
- Boshqa o'yinlarga qaraganda finalga o'zgacha tayyorgarlik ko'rayapmiz. Xattoki muxlislar klubiga azo bo'lmaganlar ham qo'ng'iroq qilib Jizzaxga borib "Bunyodkor"ga muxlislik qilamiz deb aytishmoqda. Bundan xursandmiz albatta.

- Final uchrashuvi Jizzaxda o'tishiga munosabatingiz.
- Final uchrashuvi Jizzaxda o'tkazilishi to'g'ri tanlov. Bu stadionda "So'g'diyona" bilan kubok doirasida o'ynagandik. O'shanda g'olib bo'lgandik. Nasib qilsa finalda ham xursand holda uyga qaytamiz. Faqat Toshkentdan Jizzaxga ko'p odam bora olmasligi meni o'ylantirmoqda.

- Finalda "Bunyodkor" qanday tarkibda maydonga tushadi? Taxminingiz.
- Bu shunchaki mening taxminim: Murod Zuhurov, Akmal Shorahmedov, Anvar G'ofurov, Rustam Ashurmatov, Akrom Komilov, Sato Minori, Shaker Zuagi, Sardor Sobirxo'jaev. Doston Hamdamov, Samir Bekrich, Eldor Shomurodov. Vohid Shodiev zaxiradan maydonga tushib gol urishlariga umid qilaman (kuladi).

- Taxminiy hisob?
- Taxminiy hisobni ayta olmayman. "Bunyodkor" kubokni qo'lga kiritishiga ishonaman.

Biroz oldin "Nasaf" muxlislar klubi etakchisi O'ktam Uzoqovning fikrlari taqdim etilgan edi.

Narzulla Saydullaev yozib oldi

"Bunyodkor" muxlislar klubi sardori Shavkat Imomov: "Birdamlik bo'lsa "Bunyodkor" kubokni qo'lga kiritadi"