Qiziqarli kechgan bahsda tajribali ijrochilarga ega navoiyliklar yakunda g'alabani tantana qildi. Mazkur bahsga oid bir nechta faktlarni keltirib o'tamiz.

Superliga. Temurxo'ja Abduholiqovning dubli "Qizilqum"ga "Bunyodkor" ustidan uch ochko keltirdi

1. "Qizilqum" o'z tarixida ikkinchi bor Toshkentda "Bunyodkor"dan uch ochko olishni uddasidan chiqdi. Bu holat ilk bor 2017 yilgi mavsumda qayd etilgan bo'lib, jamoa "Bunyodkor" stadionida kechgan bahsda 1:0 hisobidagi g'alabani tantana qilgandi.

2. "Qaldirg'ochlar" bu mavsumda ikkita o'yinda ham "Qizilqum"ga mag'lub bo'ldi (1:3, 1:2). Bunday natija avval qayd etilmagan edi.

3. Nikola Lazarevich shogirdlari Toshkentda birinchi marotaba "Bunyodkor" darvozasiga 2ta to'p kiritdi.

4. "Bunyodkor" joriy yil hisobidan 7 mag'lubiyatini qabul qilib olib 2021, 2020, 2019, 2015 yilgi natijalarni takrorladi. Hali mavsum yakunlanmaganini ham aytish joiz.

5. Temurxo'ja Abduxoliqov 9ta gol bilan to'purarlar qatorida birinchi o'ringa chiqib oldi. Hujumchi "Bunyodkor"ga ikkita bahsda ham gol urdi.

6. Rasul Yo'ldoshev faoliyatida ilk bor "Bunyodkor"ni sardor sifatida maydonga boshlab tushdi.

Tarix takrorlandi yoxud "Bunyodkor" - "Qizilqum" uchrashuvidan faktlar