Hozir ham klub tuzilmasi o'zgartirildi. O'zbekiston Respublikasi Prezidentining 24.04.2015dagi “Akciyadorlik jamiyatlarida zamonaviy boshqaruv uslublarini joriy etish chora-tadbirlari to'g'risidagi” farmoni ijrosini taminlash maqsadida uning talablariga mos keladigan bazi ishlar amalga oshirildi.

Shunday qilib, akcionerlarning umumiy yig'ilishida xalqaro tajriba asosida, klubning sohaga oid xususiyatlarini inobatga olib, ijroiya organi rahbari bosh direktor bo'lgan yangi tashkiliy tuzilma tasdiqlandi.

Shuningdek, ushbu farmonga muvofiq, Klub Nizomiga tegishli o'zgartirishlar kiritilib, bosh direktor lavozimiga saylovlar o'tkazish tartibi ham ko'rib chiqildi. Unga muvofiq, ijroiya organining rahbarini tayinlash qarori, qoidaga ko'ra, tanlov asosida amalga oshiriladi. Unda xorijlik menejerlar ham ishtirok etishi mumkin.

Yangi tashkiliy tuzilmaga ko'ra, ijroiya organi azoligiga sport ishlari direktori va boshqalar ham kiradi.

Klub faoliyati xalqaro standartlarga muvofiq amalga oshiriladi. Klubning 2015-2020 yillar uchun ishlab chiqqan istiqbolli dasturiga ko'ra, 2017 yilgi mavsumda “Bunyodkor” asosiy tarkibidagi mahalliy futbolchilarning 75 foizi akademiyamiz tarbiyalanuvchilaridan iborat bo'lishi kerak. 2020 yilga kelib esa ushbu ko'rsatkich 80 foizga etkazilishi lozim.

Klub bosh direktori rahbarligida Murabbiylar kengashi tashkil etildi. Bu kengash yoshlar tarkibi, “Bunyodkor”ning birinchi va ikkinchi ligadagi jamoalari katta murabbiylarining ish rejalarini tasdiqlaydi. Shuningdek, rejalarning bajarilishini muntazam ravishda nazorat qilib boradi. Jamoamiz o'yinini kuchaytirishi mumkin bo'lgan nomzodlarni kuzatib boradigan klubning selekciya xizmatiga qo'yiladigan talablar ham ortmoqda. Futbolchilar yoki mutaxassislar bilan imzolanadigan shartnomalar borasida yakuniy qaror Murabbiylar kengashida qabul qilinadi. Asosiy tarkibning mashg'ulotlar jarayoniga Baxtiyor Boboev va Sergey Lushchan juftligi boshchilik qiladi. Klub oldidagi maqsad va vazifalarni amalga oshirish borasidagi umumiy masuliyat Murabbiylar kengashi rahbariga yuklatiladi.

“Bunyodkor”da yangi mavsumga tayyorgarlikni boshlagan murabbiylar shtabi va futbolchilar haqida keyinroq batafsil malumot beramiz.

“Bunyodkor”da tuzilmaviy o'zgarishlar