Ўйин 2:0 ҳисобида фарғоналикларнинг ғалабаси билан якунланди. Учрашувдан сўнг "Бухоро" ҳужумчиси Даврон Исоқов фикрларига қулоқ тутдик.

- "Учрашувга астойдил тайёргарлик кўрдик", - дея сўз бошлади Исоқов. "Нефтчи" жиддий рақиб эканлигини билардик. Ўтказиб юборилган голлар жамоамиз ўйинига таъсир кўрсатди. Баъзи вазиятларда омадимиз келмади. Шуни ҳисобига муҳим баҳсда мағлубиятга учрадик.

- 2-босқич беллашувларига қуръа ташланди. "Бухоро"нинг Суперлигага чиқиш имкониятини қандай баҳолайсиз?

- Ҳал қилувчи паллага етиб келдик. Олдимизда турган баҳсларда очко йўқотмаслигимиз керак. Суперлига йўлланмасидан мосуво бўлишни истамаймиз. Ўз навбатида клуб раҳбарияти ҳам бизни қўллаб-қувватлашда давом этса, бу футболчиларга қўшимча мотивация беради. Барчаси ўз қўлимизда.

- Жорий мавсумда "Бухоро" сафида кам гол урмоқдасиз. Бу нима билан боғлиқ?

- Омад келмаяпти. Шунингдек, жамоада мураббийлар алмашуви ҳам сабаб бўлди. Янги келган мураббийнинг тактикасига тушиш, у сиздан нима истаётганини тўлиқ тушуниб етгунча вақт ўтиб кетмоқда. Умид қиламанки, келгуси баҳсларда голлар уриб, жамоага фойда келтирмоқчиман.

"Бухоро" ҳужумчиси Даврон Исоқов кам гол ураётгани нима билан боғлиқ?