"Buxoro" – "Paxtakor" o'yini VAR hakami vaziyatga izoh berdi. Bosh hakam fikrini o'zgartirmadi

Iskandarov Abdulaziz
30 oct 2023
Bugun O'FA anjumanlar zalida O'zFHM rahbariyati, hakamlar, nazoratchilar ishtirokida o'tgan o'yinlardagi vaziyatlar muhokamasi bo'lib o'tdi.

Kechadan buyon "Buxoro" – "Paxtakor" uchrashuvidagi belgilangan penalti diqqat markazida bo'lib turibdi. Mazkur uchrashuvda VAR hakami sifatida ishlagan Nayim Qosimov vaziyat bo'yicha fikrlarini bildirib o'tdi. 

- VAR hakami sifatida qaror chiqarishda 2 ta vaziyat muhim hisoblanadi. Birinchisi hakamning maydonda qabul qilgan qarori va uning sharhi. Men sharhda tanaga siqilgan qo'l, deb eshitdim. Birinchi ko'rayotgan tasvirim hakam berayotgan sharh bilan to'g'ri kelmayapti. To'p uchib kelayotgan masofa 25-30 metrni tashkil qilmoqda. O'yinchi to'p traektoriyasini ko'rib turibdi. To'p tekkani yo'q. 6-raqam chap qo'lini tanasiga yashirmoqda. O'ng qo'l bilan sodir bo'lgan holat etiborimni totdi – qo'l va tana o'rtasida bo'shliq bor. O'sha vaziyatda o'rtada to'p ko'rinyapti. To'p traektoriyasini olsak, tanaga tekkan to'p boshqa traektoriya bo'ladi. Ko'rinib turibdiki, to'p o'yinchini to'g'ri oldiga tushyapti. Kameralardan kelib chiqsak, bu qarorga kelish qiyin bo'ldi. Bungacha "Paxtakor"ning bitta goli VAR yordamida bekor qilingandi. Ruhiy taraflama og'ir edi. Men aralashmasam, ikkinchi qaror ham "Buxoro" foydasiga hal bo'lib qolardi. 

6-raqam qo'l bilan o'ynayotganida, 80-raqam hakamni yopib qo'ymoqda. Hakam to'liqligicha ko'ra olmagani uchun vaziyatni qarab chiqishni tavsiya qildim.

Ravshan Abduvohidov: "Bu vaziyatda qo'lni orasidan to'p ko'rindi. To'p harakati qo'ldan boshqa joyga tegishi mumkin emas. Ko'p hakamlar ko'rmay qolgan vaziyatini to'p traektoriyasiga qarab aniqlaydi. To'p qo'lga tegsa, pastga shunday tushadi. Hozir ham fikrim o'zgarmagan. Men bor kameradan maksimal ko'rishga harakat qildim. Darvoza ortida kamera bo'lmagan".



Iskandarov AbdulazizMaqola muallifi
Muqova: championat.asia

Izohlar

Leicester City
30 oct 2023
80-raqam sudyani to'sgan bo'lsa, sudya qo'liga tekkanini ko'rmasdan lekin trayektoriyadan qo'liga tekkkanini sezgan bo'lsa, sudyalarimizga qoyil shunchalik iste'dodli ekan
САРА 1971
31 oct 2023
Найим Косимов деганларини юзини куринг. Без булиб кетибди. Буларга гапириш бефойда. "Шайтанат" сериалидаги репресия давридаги НКВД ходимини куни бунга хам тушса керак. ВАР лар буйича коментария берган хам юзсиз. На бир хижолат на бир сарасима. "Агар оёги ерда турганда иккига булиб ташлаши мумкин эди"-дейди. Нефтчи-ОКМК уйинад Тухтахужаев уйини-чи? Кизил берилган кайтариб олинган эди. Нега бу холат айтилмади.
фанат.уз
30 oct 2023
Туп кулга текканини тахмин килган курмаган хакам нохак хакам аник куриб карор килиш керак
Nematjon
30 oct 2023
кечирасилаю кеча жим эдинглар ))))))))))))))
Ўзбек футболининг муҳлиси
30 oct 2023
Оббо