Bu jamoalarning statistik malumotlarini hukmingizga havola etamiz.

O'zaro o'yinlar

Ushbu jamoalar Oliy ligada 21 bora to'qnash kelishgan. Shulardan 8 tasida vakillarimiz g'olib bo'lishgan, 2 ta o'yin durang natijasi bilan intiho topgan. 11 ta uchrashuvda buxoroliklarning qo'li baland kelgan. To'plar nisbati 41:30, “Buxoro” foydasiga. O'zaro o'inlarda “Buxoro” 35, “Qo'qon-1912” esa 26 ochkoni qo'lga kiritgan.

Ushbu jamoalar o'rtasidagi so'nggi ikki uchrashuvda buxoroliklar g'alaba qozonishgan.

Qo'qonda bo'lib o'tgan bahsda 0:1 hisobi qayd etilgan.

Buxoroda o'tgan so'nggi besh uchrashuv:
19.09. 2016 Buxoro – Qo'qon-1912 2:0
10.08.2003 Buxoro – Qo'qon-1912 4:2
04.05.2002 Buxoro – Qo'qon-1912 2:0
29.03.2000 Buxoro – Qo'qon-1912 2:0
05.05.1999 Buxoro – Qo'qon-1912 6:1

Kubokdagi o'yinlar
Bundan tashqari, bu jamoalar O'zbekiston kubogi chorak finalida ham ikki bor o'zaro maydonga tushishdi. Davralar oralig'ida o'tkazilgan o'yinlarning birinchisida1:1 hisobi qayd etilgan bo'lsa, javob uchrashuvida buxoroliklar 2:0 hisobida zafar quchishgan.

Qo'shimcha nomga ega shaharlar
Juma kuni uzoq tarixga ega ikki shaharning jamoalari o'zaro maydonga tushishadi. Aytishlariga qaraganda, qo'shimcha nomi bor shaharlar dunyoda juda kam ekan. Aniqrog'i, Huqandli latif va Buxoroi sharif nomi bilan ataluvchi shaharlarni butun dunyoda tan olishgan.

Yana bir qiziq jihati shundaki, bu ikki jamoa oldin boshqa nomlar bilan faoliyat yuritishgan va ko'plab yutuqlarga erishgan.

Sobiq futbolchilar

Ayni damda buxoroliklar sharfani himoya qilayotgan bir qator futbolchilar ilgari “Qo'qon-1912” jamoasi to'p surishgan yoki Qo'qon futbol maktabi tarbiyalanuvichisi sanalishadi.

Masalan, Ruslan Melziddinov Qo'qon shahrida tug'ilgan bo'lib, futboldagi faoliyatini aynan shu erda boshlagan.

Asilbek Omonov esa o'tgan mavsumning ikkinchi davrasida “Qo'qon-1912” jamoasida to'p surgan.

“Qo'qon-1912” jamoasi safida ham “Buxoro”ning sobiq o'yinchilari yo'q emas.

Birinchi davrani buxoroliklar safida o'tkazgan Shoxrux Xolmatov hozirda “Qo'qon-1912” jamoasida faoliyat yuritmoqda.

Hakamlar
“Buxoro” – “Qo'qon-1912” uchrashuvini Sherzod Qosimov boshchiligiligidagi hakamlar boshqarib boradigan bo'lishdi.

Bungacha Sherzod Qosimov 30 may kuni Qo'qondagi “Markaziy” o'yingohda bo'lib o'tgan “Qo'qon-1912” – “Lokomotiv” uchrashuvini boshqaragandi.

Oliy liga
19-tur
Buxoro (Buxoro) – Qo'qon-1912 (Qo'qon)
Hakamlar: SH. Qosimov (Toshkent), R. Shoyaxmetov (Toshkent), D. Saylalov (Toshkent), A. Rubakov (Toshkent)
Nazoratchi: R. Aytekov (Toshkent).
O'zPFL vakili: N. Lutfulin.

“Buxoro” –“Qo'qon-1912”. Prevyu