Bunga sabab jamoa ikkinchi davrada hali mag'lubiyatga uchramagan bo'lsa-da, oxirgi uchta bellashuvda qatorasiga durang qayd etdi. "Buxoro" ikkinchi davrani safarda "Olmaliq"qa qarshi bahs bilan boshlagandi. 1:1 hisobidagi o'yindan so'ng buxoroliklar keyingi to'rtta o'yinni o'z foydalariga hal etishdi.

"Buxoro" o'z maydonida "Nasaf" va "Qizilqum"ni, safarda esa "Obod" bilan "Neftchi"ni mag'lub etdi. Lekin aynan "Neftchi" ustidan qozonilgan g'alabadan keyin "Buxoro" ketma-ket uch uchrashuvda zafar qucha olmadi.

Ulug'bek Baqoev shogirdlari dastlab "Dinamo" bilan 0:0, keyin "Mashal" bilan 1:1 va o'tgan turda "Metallurg" bilan 2:2 o'ynashdi. Duranglar ketma-ketligiga qarang - 0:0, 1:1, 2:2. Agar shunday davom etadigan bo'lsa, "Buxoro" 24-turda G'uzorga borib "Sho'rtan" bilan 3:3 o'ynaydimi?

"Buxoro" "Sho'rtan" bilan 3:3 o'ynaydimi?