Ertaga Coca Cola Superligasining 5-turidan o'rin olgan "Buxoro" – "Bunyodkor" uchrashuvi o'tkaziladi. Joriy mavsum Superligaga qaytgan buxoroliklar ayni damda ideal natija qayd etolmayapti. Aksincha, "Bunyodkor"ning ishlari ajoyib ruhda ketmoqda. Biroq poytaxtliklar o'tgan turda o'z maydonida "Turon"ni mag'lub eta olmadi. Demak, ochkolar suv va havodek zarur bo'lib turgan vohaliklar ham bo'lajak raqibiga boshog'riq bo'la olishi mumkin. "Buxoro" o'z tarixida "Bunyodkor"ni atigi bir marotaba mag'lubiyatga uchratgan, ushbu voqea 2017 yilgi mavsumda sodir bo'lgan.

Ko'hna mintaqada kechgan bahsda mezbonlar 22-daqiqada Nurillo To'xtasinovning avtogoli evaziga hisobda oldinga chiqib oladi. Oradan uch daqiqa o'tar-o'tmas Ivan Nagaev oradagi farqni oshiradi. 36-daqiqada esa Sanat Shixov hisobni yirik ko'rinish olishini taminlaydi.

Ikkinchi bo'limda faollikni oshirgan "qaldirg'ochlar" 65-daqiqaga kelib Dostonbek Hamdamovning goli evaziga hisobni qisqartiradi. Biroq mezbonlar yana oldinga tashlanishib, 79-daqiqada to'rtinchi "sovg'a"sini ham tuhfa etadi. Hakam tomonidan qo'shib berilgan daqiqalarda esa poytaxt klubi hisobni biroz qisqartirishga muvaffaq bo'lishadi, xolos.

Qayd etish joiz, o'shanda ham klubga Ulug'bek Bakaev murabbiylik qilardi. Joriy mavsum klubga qaytgan mutaxassis ushbu tarixiy natijani yangilashi mumkin.

"Buxoro" (Buxoro) – "Bunyodkor" (Toshkent) 4:2
Hakamlar: O. Tolibjonov (Toshkent), A. Sidorov (Toshkent), D. Saylalov (Toshkent), R. Abduvaxidov (Qarshi)
Nazoratchi: R. Aytekov (Toshkent).
O'zPFL vakili: B. Haydarov.
Gollar: Nurillo To'xtasinov 22 avtogol, - 1:0. Ivan Nagaev 25, - 2:0. Sanat Shixov 36, - 3:0. Dostonbek Hamdamov 65, - 3:1. Nozim Umurov 79, - 4:1. Vadim Chemirtan 90+3, - 4:2.
"Buxoro": Erkin Jabborov, Bobirjon Omonov, Sanat Shixov, Artyom Filiposyan, Alisher Shog'ulomov (Nozim Umurov, 60), Shoxrux Gadoev, Zohir Pirimov, Rabbim Hasanov, Ergash Ismoilov, Vladimir Baenko, Ivan Nagaev
Zaxira: Akmal Tursunboev, Elbek Ravshanov, Suhrob Nematov, Ivor Veycer, Bahriddin Vahobov, Mirjalol Jumaev
"Bunyodkor": Murodjon Zuhurov, Rustam Ashurmatov, Akram Komilov, Javlon Ibrohimov, Shaxzodbek Nurmatov, Eldor Shomurodov (Vadim Chemirtan, 59), Dostonbek Hamdamov, Nurillo To'xtasinov (Farrux Ikromov, 41), Dilshod Ahmadaliev, Otabek Shukurov, Mirjamol Qosimov (Sardorbek Azimov, 75)
Zaxira: Dilshod Hamroev, Javlon Mirabdullaev, Davronbek Umirov, Xurshid G'iyosov

"Buxoro"ning "Bunyodkor" ustidan qozonilgan yagona g'alabasi yodingizdami?