Буни турли ижтимоий тармоқларда ҳам ўқиб кузатдик.

Кеча Ахрол Иноятов "Спорт ТВ" меҳмони бўлиб, шундай деди:
- Интернетларда ҳам кўрдик, ўқидик, эшитдик. Келишилган ўйинлар ҳақида айтганлар исботлаб берсин. Исботлаб беришга келганда исботлаб бера олмайди.

Биз мақолада нима деган эдик азизлар? Уларга бойкот эълон қилишдан фойда йўқ. Улар бизни бугунги ҳар бир сўзимизни ўзимизга қарши ишлатишлари мумкин. Мақолада, исбот билан эмас, юрак ва виждонга етиб борадиган гаплар билангина уларни бу йўлдан қайтаришимиз мумкинлиги ҳақида айтиб ўтган эдик. Ҳақиқатдан ҳам бизда исбот йўқ. Кўряпсизми, биз "тупик"дамиз. У бундай бўлди, бу ундай қилибди, у дарвозабон атайин гол ўтказди, бу ҳужумчи атайин гол урмади деган гаплар бу исбот талаб қиладиган катта айблов. Лекин бизда исбот йўқ. Шундай экан, ҳаммани инсофи ва виждони ўзига ҳавола.

Шу ерда бир гапни ТВдаги ҳамкасбларимизга илтимос шаклида етказсак. Илтимос, ҳар бир гапингизда интернет сайтларида деяверишни йиғиштиринглар. Шу интернет сайтлари борки, сиз трансляция қила олмаётган ўйинларни ҳеч бўлмаса гап билан етказиб беряпти. Шу интернет сайлари борки, ҳеч бўлмаса ўқувчи расм кўради, ҳеч бўлмаса клуби ҳақида ахборот олади. Шу интернет сайтлари борки, шарҳда тилларингиз бийрон, ахборотингиз олдингиздаги принтерда чиқиб турибди. Яна интернет сайтлари ёмонми?

Ҳаммамизга ҳам инсоф берсин.

"CA"

"CA": Айтдик-ку, сизларга!