Toshkent shahar FF bilan hamkorlikda o'tkazilinayotgan birinchi festivalimizda 2006 yilda tavallud topgan futbolchilardan iborat 4ta jamoa ishtirok etadi. Bular, "Bunyodkor", "Lokomotiv", "Paxtakor" va "Spartak".

Festivalning birinchi kuni yakuniga etganidan so'ng, "Start" savdo brendi tomonidan bolalar poytaxtimizdagi "Mega Cinema" kinoteatrida madaniy hordiq chiqaradilar. Ikkinchi kundan o'rin olgan tur uchrashuvidan so'ng "Bunyodkor" stadionining muzeyiga sayohat qilinadi va u erda yosh futbolchilarga faxriylarimiz hamrohlik qiladilar. Shuningdek, ular "Bunyodkor" akademiyasini ham tomosha qilish baxtiga sazovor bo'ladilar.

Festivalning uchinchi kuni ham bekor ketmaydi. Final o'yinidan keyin "Samarqand Darvoza" gippermarketining to'rtinchi qavatidan o'rin olgan ko'ngilochar kompleks bolajonlar ixtiyorida bo'ladi.

Bu hali hammasi emas. Har bir tur o'yiniga futbolimiz yulduzlari tashrif buyuradilar, tabiiyki bu yosh futbolchilarning futbolga bo'lgan mexrlarini yanada kuchaytiradi. So'nggi tur o'yinlariga MTJ yulduzlarining tashrif kutilyapti. Ular amplualar bo'yicha yaxshi tomonlarini ko'rsata olgan yosh futbolchilarga o'zlari to'p tepadigan klub liboslarini taqdim etadilar.

Shuningdek, "Akfa Olami" brendi tamonidan 6ta uchrashuvning har birida "eng yaxshi futbolchi"ga (Man of the Match) uyali telefon sovg'a qilinadi.

Har bir uchrashuv yakuniga etganidan keyin "Saltanat" savdo brendi tomonidan taqdim etilgan vitaminlarga boy ichimlik esa futbolchilarga taqdim etiladi.

Texnik hamkorimiz "Joma"dan har bir jamoaga, o'yin oldi mashg'ulotlar uchun maxsus futbolkalar beriladi.

Musobaqa taqvimi:

11 noyabr. "Paxtakor - Yoshlik" sport majmuasi

10:00. "Paxtakor" - "Lokomotiv"

11:00. "Bunyodkor" - "Spartak"

12 noyabr. "Bunyodkor" sport majmuasi

10:00. "Bunyodkor" - "Paxtakor"

11:00. "Spartak" - "Lokomotiv"

13 noyabr. "Paxtakor - Yoshlik" sport majmuasi

10:00. "Lokomotiv" - "Bunyodkor"

11:00. "Paxtakor" - "Spartak"

12:00. Taqdirlash marosimi.

Musobaqada birinchi va ikkinchi o'rin egalariga shartli ravishda oltin va kumush medallar hamda kubok topshiriladi. Uchinchi va to'rtinchi o'rin egalariga esa bronza medallariga qo'shib kubok tuhfa etiladi.

"CA" "Kelajak Yulduzlari - 2015" futbol festivalini o'tkazadi