Saytimiz orqali Namangan viloyatining To'raqo'rg'on tumanida "Odil Junior" futbol maktabining ochilgani haqida xabar bergandik.

Shu munosabat bilan "Kelajak yulduzlari" II futbol festivalining 2016 yildagi dastlabki musobaqasini "Odil Junior" bilan hamkorlikda shu hududda o'tkazadigan bo'ldik.

"Kelajak yulduzlari" futbol festivali 2015 yil Toshkent shahrida bo'lib o'tgan edi. Unda 2006 yilda tavallud topgan futbolchilar qatnashganlar. Bu yil "Kelajak yulduzlari" ikki bosqichda o'tkaziladi. Vodiydagi turnir birinchi bosqich hisoblanadi.

2006 yilda tavallud topgan jamoalar o'rtasidagi musobaqada quyidagi jamoalar ishtirok etishadi:

1. "Odil Junior" (To'raqo'rg'on)

2. "Navbahor" (Namangan)

3. "Yoshlik" (BO'SM, To'raqo'rg'on)

4. "BFK Asia" (Andijon)

5. "Istiqlol" (BO'SM-2, Namangan)

6. "Do'slik" (BO'SM-1, Marg'ilon)

Musobaqa taqvimi:

15 oktyabr. 1-tur.

09:00. "Odil Junior" - "Istiqlol"

10:00. "Navbahor" - "Do'stlik"

11:00. "BFK Asia" - "Yoshlik"

15 oktyabr. 2-tur.

12:00. "Odil Junior" - "Navbahor"

14:00. "Do'stlik" - "BFK Asia"

15:00. "Yoshlik" - "Istiqlol"

16 oktyabr. 3-tur.

10:00. "Navbahor" - "Yoshlik"

11:00. "Odil Junior" - "BFK Asia"

12:00. "Istiqlol" - "Do'stlik"

"Bu "Championat.asia" sayti bilan o'tkazadigan ilk musobaqamiz bo'ladi. So'nggi yillarda saytning bolalar futboliga qaratayotgan etibori tahsinga loyiq. Namanganda o'tkazilgan "Odil Cup"-2016 musobaqasini yosh futbolchilardan tashqari muxlislar ham eslab yurishibdi. "Kelajak yulduzlari"ning vodiydagi qismi ham qiziq o'tishi tabiiy. Odil bilan hamkorlikda vodiy futboli yo'lida katta loyihaga qo'l urish arafasida turibmiz. Bu borada bizni qo'llab-quvvatlayotganlarga rahmat. Festivalning aynan shu sanaga belgilashimiz sabablari bor. Avvalo birinchi kungi o'yinlardan keyin yosh futbolchilarni "Navbahor" - "Buxoro" o'yiniga taklif qilamiz. 15 oktyabr kuni Farg'onada to'p tepadigan "Paxtakor"ning aksar etakchi futbolchilari, 16 oktyabr kuni turnirimizning yopilish marosimiga keladilar. Hozircha nomlarni oshkor etmay turamiz, bu ukalarimizga sovg'a bo'lsin", - deydi "Odil Junior" (To'raqo'rg'on) rahbari Sodiq Ahmadaliev.

"CA"ning navbatdagi festivali 15-16 oktyabr kunlari To'raqo'rg'onda