Bu safar ikki oy natijalariga ko'ra eng yaxshi murabbiy va o'yinchini aniqladik, sababi sentyabr oyida ikkita, oktyabrda esa uchta tur o'ynaldi.
Ovoz berishda Championat.Asia xodimlari va Transfermarkt'ning rus tilidagi tahririyati ishtirok etdi. Taklif etilgan ekspert esa O'zbekiston terma jamoasi, Rossiya va O'zbekistonning bir qator klublari sobiq o'yinchisi ("Paxtakor", "Bunyodkor", "Spartak-Alaniya", "Torpedo-Metallurg", "Krilya Sovetov") va faoliyatini yakunlaganidan so'ng o'z vatanida murabbiy sifatida ishlayotgan Baxtiyor Ashurmatov bo'ldi.
Ovoz berish yakunlariga ko'ra Superliganing sentyabr-oktyabr oylaridagi eng yaxshi murabbiyi deb Ro'ziqul Berdiev topildi. Jamoa uning qo'l ostida so'nggi beshta o'yinda to'rtta g'alabaga erishdi va shu orqali mavsum yakunlanishiga uch tur qolganda chempionlik poygasiga qaytdi.
Sentyabr-oktyabr oylarida O'zbekiston chempionatining eng yaxshi o'yinchisi "Qizilqum" vingeri Islom Kenjaboev bo'ldi. U beshta turda to'rtta gol urgan holda ligada jon saqlab qolish uchun kurashda jamoasiga muhim ochkolarni yig'ishga yordam berdi.
Izohlar