Alfredo Pedullaning so'zlariga ko'ra, 25 yoshli jazoirlik futbolchining "San-Siro"dagi kelajagi noaniqligicha qolmoqda.

Yarim himoyachining amaldagi shartnomasi 2024 yilning iyunida yakuniga etadi. Futbolchining yangi agenti Enco Rayola kelasi hafta "rossoneri" texnik direktori Paolo Maldini bilan kelishuvni uzaytirish borasida muzokara olib borishi kutilmoqda.

Milanliklar Bennaserning avvalgi agenti Mussa Sissoko bilan kelishuvga erisha olmagandi. Futbolchi bir mavsumlik maoshi kamida 4 million evroga oshirilsa, yanshi bitimga imzo chekishga tayyor.

Pedullaning takidlashicha, Bennaserga "Liverpul"dan qiziqish borligi haqida mish-mishlar bo'lgan, ammo aniq malumotlar yo'q. Ammo "Chelsi" yarim himoyachiga jiddiy qiziqish bildirmoqda. London klubi yanvar oyida Bennaser uchun 40 million evro taklif qilmoqchi.

Bennaser joriy mavsum "Milan" safida barcha turnirlarda 21 ta o'yinda maydonga tushib, 1 ta gol urdi va 1 ta golli uzatmani amalga oshirdi.

"Chelsi" Bennaser uchun 40 million evro taklif qilmoqchi