"The Independent" хабарига кўра, "шаҳарликлар" Лондон клуби футболчисини Кайл Уокер билан алмаштириш вариантини кўриб чиқмоқда.

"Рис Жеймс анча вақтдан буён Европа грандлари нишонида бўлиб турибди. Ўтган мавсумда требл қайд этган "шаҳарликлар" эса футболчига яхшироқ ғоялар ва лойиҳалар тақдим қилиш ниятида.

Рис варианти бир неча трансферлар ойнаси вақтида кўриб чиқилганди. Чунки Уокер бир неча марта жамоасини алмаштириш ҳақида ўйлаган. Аммо сўнгги йилларда юқори сифатли ўйин кўрсатаётгани учун клуб ҳам сотиб юбормасликни маъқул кўраётганди", - деб ёзади "The Independent" нашри журналисти Мигель Дилэйни.

Жеймснинг "Челси" билан шартномаси 2028 йил ёзига қадар давом этади.

"Челси" ва "Манчестер Сити" асосий футболчиларини алмаштириши мумкин