Sovrinni "Chelsi"ning hujumkor yarim himoyachisi Koul Palmer qo'lga kiritdi.
Palmer o'tgan oy Angliya chempionatida 4 ta o'yin o'tkazdi. Ularda futbolchi 7 ta gol urdi va sherigiga 1 ta golli pas uzatdi.
Sovringa Brunu Fernandesh ("Manchester Yunayted"), Yoshko Gvardiol ("Manchester Siti"), Kay Haverc ("Arsenal"), Jan-Filip Mateta ("Kristal Pelas") va Jordan Pikford ("Everton") davogarlik qilgandi.
Qizig'i shundaki, "Chelsi" vakili oxirgi marta 2018 yilning sentyabrida APLda oyning eng yaxshi futbolchisiga aylangandi. O'shanda Eden Azar sovrinni qo'lga kiritgan edi. Avvalroq 2023/2024 yilgi mavsum APLda oyning eng yaxshi futbolchisi uchun sovrinni Jeyms Meddison, Son Xyon Min, Muhammad Saloh, Harri Maguayr, Dominik Solanke, Diogo Jota, Rasmus Xoylund va Rodrigo Munis qo'lga kiritgan edi.
Izohlar