Бундан ташқари 2015 йилда клубларимиз қайд этган эътиборли натижалар ҳақида тўхталамиз.

24 йиллик жадвални 11 карра чемпион “Пахтакор” бошқариб бормоқда. 710та ўйинда 1578 очко жамғарган “шерлар” энг кўп ғалабага эришган (489та) ва энг кўп гол урган жамоа (1629та) бўлиб туришибди. Клубнинг 1600-голини 19-турда “Қизилқум”га қарши баҳсда Станислав Андреев уришга муваффақ бўлди. Кейинги йил жамоа 500-ғалабани қўлга киритиши, 600-голни ўтказиши ва очколарини 1600тага етказиб олиши мумкин.

Рўйхатда иккинчи поғонада бораётган Фарғонанинг “Нефтчи” клуби “Пахтакор”дан 117 очкога ортда қолмоқда. Жамоа 2-турда Тошкентда “Локо” билан дуранг ўйнаганди. Ўша дуранг клуб учун 100-дуранг бўлиб тарихда қолди. “Нефтчи” 10-турда ўз уйида “Насаф” билан ўйинда 700-голни ўтказиб юборди. Фарғоналиклар 2016 йил 6 очко олишса ўз очколарини 1500тага етказиб олишади.

“Навбаҳор” клуби умумий рўйхатда 3-ўринда. Иккинчи турда “Металлург”га қарши ўйинда Дилшод Жабборов “лочинлар”нинг 1200-голини урганди. Худди ўша ўйинда Дилмурод Каримов урган гол “лочинлар”нинг 800-ўтказган голи бўлганди. Жамоа 2016 йилда 350-ғалабани қўлга киритишга, ўз очколарини 1200тага етказиб олиши мумкин.

Бу йилги бронза медаль соҳиби Қаршининг “Насаф” клуби умумий жадвалда ҳамон 4-ўринда бормоқда. Қарши клуби бу мавсум олий лига тарихларидаги ўзининг 550-ўйинини ўтказди. 11-турда “Сўғдиёна” устидан қозонилган ғалаба клуб учун 300-ғалабага айланди. Айнан ўша ўйиндан сўнг “аждарлар”нинг умумий очколари 1000тадан ошганди. 23-турда “Навбаҳор”га қарши ўйинда Илҳом Шомуродов томонидан урилган гол “Насаф”нинг 1000-голи бўлиб тарихда қолганди. Қарши клуби агар 2016 йилда ҳам бу йилгидек муваффақиятли иштирок эта олса умумий очколари сонини 1100тага етказиб олиши мумкин.

Бу йилги мавсумда “Бухоро” клубининг 300-мағлубияти кузатилди. 16-турда “Бунёдкор”дан учралган мағлубият юбилей мағлубият бўлди. 15-турда “Сўғдиёна” билан ўйинда бухороликларнинг очколари 900тадан ошганди.

Жадвалда 6-ўринда бораётган “Динамо” клуби бу йил сўнгги турда ўзининг 650-ўйинини ўтказди. 8-турда “Нефтчи”дан учралган мағлубият олий лигадаги 300-мағлубият бўлди. 24-турда Камолиддин Мурзоев Самарқанд клубининг юбилей 800-голини урди. 28-турда “Насаф” билан ўйинда жамоа 950-голини ўтказиб юборди.

“Андижон” жамоаси 22-турда олий лигадаги 650-учрашувда майдонга тушди. 14-турда “Динамо”дан учралган мағлубият “бургутлар” учун 300-мағлубият бўлди. 5-турда “Бухоро” билан баҳсда Иброҳим Отахоновнинг урган голи “Андижон”нинг 900-голи бўлди. Кейинги йил жамоа 950-голни уриши, 1100-голни ўтказиши ва очколари сонини 800тадан ошириб олиши мумкин.

Олий лигада қолишни уддалаган “Сўғдиёна”нинг 200-ғалабаси 14-турда “Қўқон-1912” билан ўйинда қўлга киритилди. 18-турда “Локомотив” билан ўйинда эса 1000-гол Жиззах клуби дарвозасига урилди. “Навбаҳор” билан баҳсда “Сўғдиёна” ғалаба қозониб очколари сонини 700тадан ошириб олганди. Кейинги йил жамоа 600-учрашувни ўтказади, 100-дурангни қўлга киритиши, 300-мағлубият қабул қилиб олиниши ва 800-голни уриши мумкин.

“Машъал” клуби кейинги йил аллақачон тарихга айланган “Трактор” клубидан ўтиб кетиши мумкин. Бунинг учун 13 очко қўлга киритилса бас. Жамоа 4-турда “Олмалиқ” билан ўйин жамоа учун 400-учрашув бўлиб тарихга кирди. 25-турда “Қизилқум” билан ўйинда Жамшид Ҳасанов томонидан урилган гол Муборак клубининг 550-голи бўлди. “Машъал” 24-турда “Бунёдкор”ни мағлуб этиб очколари сонини 600тага етказиб олганди. Кейинги йил жамоа 450-учрашувини ўтказади. Бундан ташқари клуб 600-голини ўтказиши мумкин.

2015 йил “Металлург”нинг 500-учрашуви кузатилди. 28-турда “Бухоро”дан учралган мағлубият жамоа учун 250-мағлубият бўлди. Кейинги йил бекободликлар 550-ўйинни ўтказишади.

“Қизилқум” бу йил ўз очколарини 600тадан ошириб олди. 16-турда “Сўғдиёна” билан баҳсда Навоий клуби ўзининг 450-учрашувни ўтказди. 25-турда “Машъал” билан ўйинда жамоа 200-мағлубиятини қабул қилиб олди. 2016 йилда “Қизилқум” 600-голни уриши ва 700-голини ўтказиши мумкин.

“Бунёдкор” клуби бу йил олий лигадаги 9-мавсумини ўтказди. 2015 йилда клуб ўзининг 250-учрашувини ўтказди. 28-турда “Андижон” билан баҳсда Достонбек Ҳамдамов жамоанинг юбилей 500-голини урди. Янги йилда “қалдирғочлар” 200-ғалабага эришишлари, 150-голни ўтказиши, 600-очкони қўлга киритишлари мумкин.

Кетма-кет учинчи марта чемпионат кумуш медалларини қўлга киритган “Локомотив” бу йил 300-учрашувини ўтказди. 2-турда “Нефтчи” билан ўйинда Дамир Кояшевич томонидан урилган гол жамоа учун юбилей 400-гол бўлди. 2016 йил жамоа 500-голини уриши, 400-голини ўтказиши ва очколарини 500тадан ошириб олиши мумкин.

Олий лигага қайтган “Қўқон-1912” бу йил 20-турда “Олмалиқ” билан ўйинда ўзининг 400-учрашувни ўтказди. Кейинги йил жамоа дарвозасига уриладиган биринчи гол 600-ўтказилган гол бўлади. “Қўқон-1912” 2016 йил 18 очко тўпласа очколари сонини 400тага етказиб олади.

Бу йил “Шўртан”нинг очколари сони 300дан ошди. Игорь Таран 14-турда “Навбаҳор” билан ўйинда жамоанинг олий лигадаги умумий голларини 300тага етказганди. 26-турда “Қизилқум”га қарши баҳсда Ғузор клуби дарвозасига 450-гол урилди.

“Олмалиқ” клуби 10-турда “Навбаҳор” билан баҳсда 200-учрашувни ўтказди. 25-турда “Навбаҳор” билан ўйинда Саламат Қутибоев “Олмалиқ”нинг юбилей 300-голини урди. 11-турда “Металлург”га қарши баҳсда жамоа дарвозасидан 300-гол ўрин олди. Олтинчи турда “Бухоро”га билан ўйиндан сўнг жами очколар сони 250дан ошди. Кейинги йил олмалиқликлар 250-учрашувни ўтказишади, 50-дурангни қайд этишлари, 100-мағлубиятни қабул қилиб олишлари, 350-голни уришлари, 350-голни ўтказишлари ҳамда очколарини 300тадан оширишлари мумкин.

№	Жамоалар	Ў	Ю	Д	М	Т-Н	О
1	Пахтакор (Тошкент)	710	489	111	110	1629-599	1578
2	Нефтчи (Фарғона)	710	453	102	155	1494-723	1461
3	Навбаҳор (Наманган)	710	347	132	231	1238-847	1173
4	Насаф (Қарши)	558	311	106	141	1009-641	1039
5	Бухоро (Бухоро)	684	272	106	306	958-1056	922
6	Динамо (Самарқанд)	650	227	111	312	807-952	792
7	Андижон (Андижон)	658	220	129	309	922-1092	789
8	Сўғдиёна (Жиззах)	598	205	97	296	791-1020	712
9	Трактор (Тошкент)	490	178	87	225	684-814	621
10	Машъал (Муборак)	426	178	75	173	555-587	609
11	Металлург (Бекобод)	524	167	107	250	650-856	608
12	Қизилқум (Зарафшон)	464	172	89	203	593-678	605
13	Бунёдкор (Тошкент)	250	183	41	26	507-134	590
14	Дўстлик (Тошкент вилояти)	346	169	52	125	669-532	559
15	Локомотив (Тошкент)	306	139	62	105	465-384	479
16	Сурхон (Термиз)	374	109	66	199	461-726	393
17	Қўқон 1912 (Қўқон)	310	115	37	158	431-599	382
18	МҲСК (Тошкент)	216	106	44	66	420-335	362
19	Шўртан (Ғузор)	280	89	49	142	322-458	316
20	Олмалиқ (Олмалиқ)	220	79	48	93	319-334	285
21	Хоразм (Урганч)	248	62	44	142	281-518	230
22	Зарафшон (Навоий)	196	60	37	99	263-355	217
23	Янгиер (Янгиер)	216	56	37	123	266-385	205
24	Турон (Нукус)	164	44	23	97	171-329	155
25	Косонсой (Косонсой)	156	40	25	91	171-305	145
26	Гулистон (Гулистон)	154	34	17	103	142-340	119
27	Атласчи (Марғилон)	124	34	16	74	149-280	118
28	Чирчиқ (Чирчиқ)	122	26	25	71	130-240	103
29	Тўпаланг (Сариосиё)	86	28	12	46	103-146	96
30	Кимёгар (Чирчиқ)	104	25	21	58	113-193	96
31	Академия (Тошкент)	34	16	11	7	72-45	59
32	Семурғ (Ангрен)	72	15	12	45	99-200	57
33	Цементчи (Қувасой)	30	8	7	15	39-64	31
34	Чилонзор (Тошкент)	34	8	6	20	51-70	30
35	Шаҳрихончи (Шаҳрихон)	32	7	7	18	25-67	28
36	Вобкент (Бухоро)	30	3	6	21	23-70	15
37	Ўз-ДонгЖу (Андижон)	30	2	7	21	17-65	13

Нарзулла Сайдуллаев

Чемпионатларимизнинг 24 йиллик жадвали ҳақида