Musobaqani O'FF va o'sha yili O'zbekiston terma jamoasi bilan chempionlikni qo'lga kiritgan sobiq futbolchi Azamat Abduraimovlar tashkillashtirishdi.

Turnirda "Vostok", "Korzinka", "Free Zone", "Ardus", "F-88", "Chelsea", "Adolat" hamda "Allians Arena" jamoalari ikki guruhga bo'lingan holda g'oliblik uchun kurash olib borishdi.

14 may sanasida musobaqaning hal qiluvchi o'yinlari bo'lib o'tdi. Uchinchi o'rin uchun bahsda "Allians Arena" klubi "Vostok"ni 4:2 hisobida mag'lubiyatga uchratdi.
Kichik finalda esa "Korzinka" jamoasi "Adolat"ni engdi.
Asosiy finalda esa turnirning eng kuchli jamoalari o'zaro bellashishdi. "F-88" va "Free Zone" klublari o'rtasidagi bahsning asosiy vaqti 2:2 hisobida yakunlandi. Chempion nomini aniqlash uchun tomonlar penaltilar seriyasiga murojaat qilishdi. Unda Azamat Abduraimov bosh murabbiyligidagi "Free Zone" jamoasi 2:1 hisobida g'alaba qozondi va turnir g'olibligini tantana qildi.

"Chempionlar kubogi" turniri
14.05.2016

3 o'rin

"Allians Arena" - "Vostok" 4:2

Kichik final

"Korzinka" - "Adolat" 3:2

Final

"F-88" - "Free Zone" 2:2 (pen. seriyasi 1:2)

Etiborli tomoni so'nggi kun bellashuvlari o'zbek futbolining afsonalaridan biri Birodar Abduraimovning tug'ilgan kuniga to'g'ri keldi. Musobaqa ishtirokchilari va tashkilotchilari Birodar Hasanovichni tavallud ayyomlari bilan chin dildan muborakbod etishdi va zarbop to'n kiydirishdi.

Turnir so'nggida g'olib va sovrindorlarga, shuningdek eng yaxshilarga esdalik sovg'alari va maxsus sovrinlar topshirildi.

Musobaqa finalidan fotogalereya: FOTO

"Chempionlar Kubogi" turniri yakunlandi