Мавсум давомида 20 та гол урган "Пахтакор" аъзоси Драган Черан кетма-кет тўртинчи йил Суперлига тўпурарига айланди ва Ўзбекистон чемпионатида энг кўп тўпурар бўлиш бўйича мутлақ рекордчи бўлиб олди.

Бундан ташқари, сербиялик футболчи Озарбайжон чемпионатида ҳам тўпурарлик мақомига сазовор бўлган. 2013-2015 йилларда "Семурғ" жамоаси шарафини ҳимоя қилган Черан 2014/15 йилги мавсумда 15 та гол уриб, "Боку" клуби аъзоси Нурлан Наврўзов билан биргаликда мамлакат тўпурарига айланган.

Бироқ Георгий Чихрадзе қўл остидаги жамоа мавсумда совриндорлар қаторидан жой эгаллай олмайди ва 5-ўринни эгаллайди.

Драган икки мавсум давомида Озарбайжон Премьер-лигаси ва кубоги доирасида жами 62 ўйинда майдонга тушиб, рақиб дарвозасини 31 бор ишғол қилган.

Черан яна қайси чемпионат тўпурари бўлган?