Jahon chempionati, "B" guruhi. 1-tur.

CHILI - AVSTRALIYA 3:1
14 iyun. 03:00.
Kuyaba. "Panantal" stadioni.
Bosh hakam: Noumandez Due (Kot D'Ivuar)
Yordamchi hakamlar: Songuifolo Yeo (Kot D'Ivuar), Jan Klod Birumushaxu (Burundi)
To'rtinchi hakam: Roberto Moreno (Panama)

Gollar: Aleksis Sanches (12), Valdivia (14), Keyxil (35), Bosejur (90)

Chili: Bravo, Mena, Isla, Sanches, Vidal (Guterres, 60), Valdivia (Bosejur, 69), Vargas, Medel, Yara, Aranguiz, Diaz.

Avstraliya: Ryan, Franich (Makgovan, 50), Davidson, Keyxil, Milligan, Spiranovich, Leki, Oar (Xalloran, 69), Edinak, Vilkinson, Breshiano (Troizi, 78).

Ogohlantirishlar: Tim Keyxil (44), Edinak (58), Milligan (68), Aranguiz (87)

MATNLI TRANSLYACIYA
YANGILASH

Uchrashuv yakunlandi!

90+2` GOOOOOOOOOOOOOOOOOOOOL! Bosejur! Ikkinchi bo'limda maydonga tushgan futbolchilar Pinilla va Bosejurning harakatlari evaziga kiritilgan muhim gol. Pinilla birga-bir vaziyatni qo'kka sovurdi. Lekin darvozabondan qaytgan to'pni uzoq masofaga bo'lishiga qarmasdan Bosejur kuchli va aniq zarbasi evaziga darvoza joylab qo'ydi, - 3:1!

90` Uchrashuvga 4 daqiqa vaqt qo'shib berildi.

89` Tim Keyxil jarima maydonchasi ichiga kirib yiqildi. Hakam jim. Keyxilni rejasi amalga oshmadi.

88` Chilida so'nggi o'zgarish: Vargas o'rniga Pinilla tushirildi.

88` Ikkinchi bo'lim birinchisi kabi shiddatli o'tmayapti. Asosan o'yin qoidasi buzilishlari vafutbolchilarning hissiyotlariga boy taym.

87` Aranguiz sariq kartochka ishlab oldi.

86` Aleksis Sanchesning zarbasiga aniqlik etishmadi.

85` Zaxiraga olingan Valdivia ancha asabiy. Validviani oldiga to'rtinchi hakam kelib, biroz tinchlanib olishi kerakligini tushuntirdi.

82` Avstraliya harakat qilmoqda. Lekin raqib darvoza oldida xavfli vaziyat yaratish ularga qiyinchilik tug'dirmoqda.

80` Ikkinchi bo'lim asosan teng kurashlar ostida o'tmoqda. Lekin tabloda hisob Chili foydasiga. Birinchi bo'limdagi yaqqol ustunlik hozircha o'z so'zini aytmoqda.

78` Mark Breshiano o'rniga Troizi maydonga tushdi.

77` Avstraliyaning hujumlari yakuniga etmay qolmoqda.

75` Aleksis Sanches o'yindan tashqari holatda...

73` Avstradiya borgan sari oldinga qarab bormoqda. Lekin Chili darvozasiga ikkinchi to'pni kiritish hozircha ularga nasib etmayapti.

71` Tinib-tinchimas Keyxil yana boshi bilan raqib darvozasini nishonga olmoqchi bo'ldi. Bu safar biroz noaniq.

70` Avstraliyada ham o'zgarish ruy berdi. Oar o'z o'rnini Xalloranga bo'shatib berdi.

69` Chilida o'zgarish. Gol muallifi Xorxe Valdivia o'rniga Bosejur maydonga tushirildi.

68` Milligan hakam tomonidan ogohlantirildi.

67` Avstraliya yaxshi hujum tashkil etdi. Lekin so'nggi pallada Chili himoyachisi ishonchli o'ynadi.

65` Qarasa Avstraliya birin-ketin xavfli hujumlar tashkil etmoqda. Hisob esa xavfli. Chili yana oldinga intilishi kerakligi angladi va vaziyatni yanada yaxshilash maqsadida hujumlar uyushtirishni boshladi.

62` Qanday imkoniyat! Chili hisobni oshirishi mumkin edi. Lekin darvozaga kirib ketayotgan to'pni "kengurular" himoyachisi Vilkinson so'nggi soniyalarda qaytarib qoldi. Tasanno!

61` Arturo Vidal jarohati bois almashtirildi. Vidal hali to'liq tiklanib olmagani ko'rinib qoldi. Uning o'rnida Guterres harakat qiladi.

60` Ha, bu qariya yomon chiqdi. Breshiano yana faollik ko'rsatdi. Raqiblarini birin-ketin ortda qoldirgan Breshiano to'pni Keyxil tomon uzatdi. Lekin himoyachilar bu vaziyatda ildamroq harakat qilishdi.

58` Edinak hakam tomonidan ogohlantirdi.

57` Super xavfli vaziyat! Super zarba! Super "seyv"! Avstraliyaning qanotdan tashkil etgan hujumi ancha xavfli ko'rinish oldi. Breshianoning kuchli zarbasini Bravo ajoyib "seyvi" orqali qaytarib qoldi. Qoyil!

56` Avstraliya tarkibidagi ikki qariya Breshiano va Keyxil yoshlardan ko'ra faolroq harakat qilishmoqda.

55` Chililik muxlislar bayramni boshlab yuborishgan. Hali erta emasmikin?

53` Tim Keyxil yana boshi bilan darvozani ishg'ol etib, xursandchilikka chopib ketayotgan bir paytda, yon hakam bu vaziyatda o'yindan tashqari holat qayd etilganini ko'rsatdi. Keyxil ranjidi. Lekin laynsmen haq.

52` Chili ancha ehtiyotkorlik bila o'yinni davom ettirmoqda. Avstraliya birinchi bo'limdagi "kengurular" emas. Osiyo vakillari o'z o'yinlarini ancha kuchaytirishdi.

50` Avstraliya tarkibida o'zgarish: Franich o'yinni davom ettira olmadi va maydonni tark etdi. Uning o'rniga Makgovan tushdi.

47` Chili birinchi bo'limda bo'lgani kabi ikkinchi taymni ham faollik bilan boshladi. To'p asosan qizil ranglilarda.

46` Ikkinchi bo'lim boshlandi!

Birinchi bo'lim tugadi. Hozircha hisob 2:1, Chili oldinda. TANAFFUS!

45` "Kengurular" jarima zarbasidan naf chiqara olishmadi.

44` Vidalning qo'polligi Avstraliyaga jarima to'pini amalga oshirish huquqini berdi. Tim Keyxil esa yo'q joydan sariq kartochka ishlab oldi.

43` Sanches, Vidal va Valdivia ko'zdan g'oyib bo'ldi va Chilining o'yinida pasayish yuzaga keldi. Ushbu "trio"ning o'rni juda katta bu terma jamoada.

42` Avstraliya goldan keyin ancha o'zgardi. "O'ynasa bo'larkan" - deb harakat qilishmoqda.

39` Keyxilning goli o'yinni yanada jonlantirdi. Avstraliya jonlandi, o'ziga bo'lgan ishonchi ortdi.

38` Chili xavfli hujum tashkil etdi. Lekin bu safar raqib himoyachilari ishonchli o'ynashdi.

36` Chilining himoyada yo'l qo'ygan xatosi yana qimmatga tushish mumkin edi. Tim Keyxilning harakatlari Chili himoyasini dovdiratib qo'ydi. Yosh o'tsa o'tadi, lekin tajriba va mahorat o'shaligicha qoladi. Keyxil buni isbotlamoqda. Qoyil!

35` GOOOOOOOOOOOOOOOOOOOOOOOL! Keyxil! Avstraliyaning qanotdan amalga oshirgan hujumi samara keltirdi. Keyxil jarima maydonchasi ichiga etkazib berilgan to'pni boshi bilan darvozaga joyladi, - 2:1!

34` Avstraliya himoyachilari burchak to'pini bartaraf etishni uddasidan chiqishdi.

32` Chilining navbatdagi keskin hujumi. Menaning faolligi evaziga Chili burchak to'pi ishlab oldi.

30` Avstraliyaning navbatdagi davomi yo'q hujumi.

28` Chili shoshilmasdan to'pni nazorat qilmoqda.

26` Avstraliyaga haqiqiy etakchi futbolchi etishmayapti. Ha, Breshiano va Keyxil bor. Ammo bu futbolchilar avvalgidek yosh va shijoatkor emaslar. "Kengurular" himoyadan hujumga o'tishga uzilishlarga duch kelishmoqda. Yaxshi markaziy yarim himoyachi etishmasligi pand bermoqda.

25` Arturo Vidal ancha faollashdi. Chili ancha faol. Bu jamoa ko'pchilikka bosh og'riq bo'lishini ko'pchilik taxmin qilayotgan edi.

23` "Kengurular" nimadir qilish maqsadida oldinga borishgan edi. Lekin Chili himoyachisi ularni rejasini buzib yubordi.

22` Sanches va Arturo Vidal hozir chiroyli kombinaciyani tashkil etishmoqchi bo'lishdi. Vidal tomonidan uzatib berilgan to'pga Aleksis biroz kech qoldi.

21` Avstraliya oldinga borishga urinmoqda. Keyxil va Breshiano vaziyatni o'z qo'llariga olishlari kerak.

19` Klaudio Bravo darvozasini uzoqdan nionga olishga urinib ko'rgan Oarning zarbasiga aniqlik etishmadi.

17` Avstraliya oldinga borishga majbur. Ularni boshqa ilojisi yo'q. Lekin Chili bugun ulardan bir kalla ustun ekanligini o'tayotgan daqiqalarda isbotlamoqda.

14` GOOOOOOOOOOOOOOOOOOOL! Valdivia! Chili bir necha daqiqalar ichida Avstraliyani "shokka" tushirib qo'ymoqda. Aleksis Sanches yana faollik ko'rsatdi va to'pni qulay vaziyatda turgan Valdiviaga uzatdi. Bu futbolchi esa 13 metrlar masofadan darvozani "to'qqizligini" aniq nishonga oldi, - 2:0!

12` GOOOOOOOOOOOOOOOOOOOL! Aleksis Sanches! Chilining navbatdagi tashkil etgan hujumi gol bilan yakunlandi. Bu vaziyatni yaratishda faollik ko'rsatgan Sanches, hujumni ham o'zi chiroyli yakunladi, 1:0!

10` Hozircha aytarli hujumlar tashkil etilmayapti. O'yin asosan maydon markazida kechmoqda.

8` Avstraliya to'pni egallab olib, tempni tushirmoqchi bo'lyapti.

6` Chili yaxshi harakatlanmoqda. Ayniqsa chap qanot faollik ko'rsatmoqda. Valdiviani hozir jamoadoshlari tushunishmadi. Aks holda xavfli vaziyat yuzaga kelishi mumkin edi.

5` Avstraliyada biroz hayajon kuchlilik qilayotgandek. Tezda to'pni yo'qotib qo'yishmoqda.

4` Avstraliya ham hujum qilishga urinib ko'rdi. Oarning jarima maydonchasiga etkazib bergan to'pini Bravo ushlab oldi.

3` Chili faollik bilan o'yinni boshladi. Chap qanotdan tashkil etilgan hujum besamar yakunlandi. Lekin qizil rangda harakat qilayotgan futbolchilar yana oldinga intilishmoqda.

2` Chililik futbolchilar to'p bilan muomalada bo'lib turishibdi.

1` Uchrashuv boshlandi!

Chililif futbolchilar qizil, Avstraliyaliklar esa sariq rangli liboslarda harakat qilishadi.

Jamoa sardorlari va bosh hakam o'yinni kim birinchi bo'lib boshlashini kelishib olishmoqda.

Endi navbat Avstraliya davlati madhiyasiga...

Qoyil! Tasanno! Chililik futbolchilar ajoyib tarzda madhiyani so'nggigacha jo'r bo'lib kuylashdi.

Chili davlati madhiyasi jaranglamoqda...

Jamoalar maydonga chiqib kelishmoqda.

Uchrashuv tashkilotchilari barcha narsani shay holatga keltirishmoqda. Birozdan so'ng jamoalar maydonga chiqib kelishadi.

"Kengurular" muxlislari ham etib kelishdi

Braziliyalik muxlisa bugungi Chili - Avstraliya uchrashuvini betibor qoldirmapti

Bu rasm uyqingizni qochirib yuborsa ajabmas:-)

Chililik amaki o'yinga tayyor

Uyquni qochirish uchun yaxshisi "Playstation 3"da "PES2013" o'ynab turishingiz ham mumkin. Ilojisi bo'lsa, Chili yoki Avstraliyani tanlang va kuchizni sinab ko'ring:-)

Chili - Avstraliya bahsini kamina Shahboz Beg'amov matnli onlayn tarzda sharhlab boradi.

Assalomu-aleykum qadrli futbol ishqibozlari! Uyqusiz tunlarga xush kelibsiz! Futbol bayrami davom etadi! Endi navbat "B" guruhining 1-tur uchrashuvi Chili - Avstraliya bahsiga etib keldi! Bu o'yinni ham saytimiz orqali matnli onlayn tarzida kuzatib borish imkoniyatingiz bor. Uyquni qochirish uchun "qahva"ni urib oling:-)

- Uchrashuv soat 03:00da boshlanadi.

Chili - Avstraliya 3:1. MATNLI TRANSLYACIYA