Coca Cola Superliga. 6-tur
25 iyun, payshanba
18:15 QO'QON-1912 – SURXON
Hakamlar: Aziz Asimov, Timur Galeev, Doniyor Saylavov, Alisher To'xtasinov
Nazoratchi: Bobur Haydarov
Komissar: Laziz Qo'chqorov

Bu jamoalar shu paytga qadar chempionat doirasida 18 marta to'qnash kelishgan. “Surxon” o'yinlarning 9 tasida zafar quchgan, 8 ta bahsda qo'qonliklarning qo'li baland kelgan. Bitta uchrashuvda durang natija qayd etilgan.

"Surxon" Qo'qonda o'tgan 9ta uchrashuvning 3tasida g'olib bo'lgan. So'nggi bor termizliklar 2000 yil ushbu raqibni mag'lub etgan edi.

Bu mavsum "Qo'qon-1912" o'z maydonida uchta o'yin o'tkazdi va uchalasida g'alaba qozondi. "Surxon" bu mavsum oxirgi uchta turda umuman g'alaba qozona olmadi.

20:15 BUNYODKOR – LOKOMOTIV
Hakamlar: Akobirxo'ja Shukurullaev, Aleksandr Sidorov, Baxtiyorxo'ja Shavkatov, Husan Muzaffarov
Nazoratchi: Sardor Najafaliev
Komissar: Sherzod Rajabov

Toshkentning bu ikki klubi hozirga qadar 26ta o'zaro o'yin o'tkazishgan. Ikki jamoa ham 9tadan g'alabaga erishgan, 8ta uchrashuvda durang qayd etilgan.

Bu jamoalar o'rtasidagi oxirgi uchta o'zaro o'yinda uch marta durang qayd etilgan. "Lokomotiv" "Bunyodkor"ni safarda 3 marta mag'lub etgan.

20:15 QIZILQUM – PAXTAKOR
Hakamlar: Firdavs Norsafarov, Artyom Kalinin, Shohruh Azamov, Shuhrat Rajabov
Nazoratchi: Oleg Dachev
Komissar: Shohruh Said

Chempionatlar tarixida jamoalar 40 uchrashuvda maydonga tushishgan. O'zaro o'yinlar bo'yicha ustunlik yaqqol "Sherlar" tarafida. 33 bahsda zafar quchgan "Paxtakor" 6 bor raqib bilan durang o'ynagan va bir marta imkoniyatni boy bergan. Navoiydagi 20 uchrashuvning birortasida "Sherlar" mag'lubiyatga uchramagan.

"Paxtakor" 2001 yildan buyon "Qizilqum"ga umuman mag'lub bo'lmagan. "Sherlar" 37ta o'yindan buyon bu jamoaga yutqazmay kelishmoqda.

26 iyun, juma
20:00 SO'G'DIYONA – ANDIJON
Hakamlar: Jasur Muxtorov, Andrey Capenko, Timar Gaynullin, Nayim Qosimov
Nazoratchi: Noil Lutfullin
Komissar: Sardor Qudratullaev

Bu jamoalar O'zbekiston chempionatida hozirga qadar 40 marta to'qnash kelishgan. Ikki jamoa ham 16tadan g'alabani qo'lga kiritgan, 8ta o'yinda durang kuzatilgan.

2020 yilgi mavsumda "So'g'diyona" o'z uyida umuman mag'lub bo'lmadi, "Andijon" esa safarda umuman g'alaba qozona olmadi.

20:00 NASAF – BUXORO
Hakamlar: Ahrol Risqullaev, Bektursin Kannazarov, Jalg'asbay Sarsenov, Farruh Yansupov
Nazoratchi: Sayfiddin Ermatov
Komissar: Erkin Baxtiyorov

Mazkur jamoalar O'zbekiston chempionatida shu vaqtga qadar 44 bor kuch sinashishgan. Natijalar "ajdarlar"ning ustunligini ko'rsatmoqda. Bo'lib o'tgan 23 uchrashuvda qarshiliklar, 12 o'yinda esa buxoroliklar zafar quchishgan. 9 uchrashuvda esa during natija qayd etilgan.

Ushbu jamoalar shu paytgacha Qarshida 22 bor kuch sinashishgan. 16 uchrashuvda "Nasaf" g'alaba qozongan. 5 uchrashuvda durang qayd etilgan va 1 uchrashuvda (2019 yil) buxoroliklar g'alaba qozonishgan.

27 iyun, shanba
19:00 METALLURG – NAVBAHOR
Hakamlar: Temur To'xtasinov, Anvar Marajabov, Ziyodullo Abdurahmonov, Sanjar Nazarov
Nazoratchi: Sulton Zaylobiddinov
Komissar: Muhammad Sodiq Sodiq-Oxunov

Bu jamoalar hozirga qadar O'zbekiston chempionatida 46 marta to'qnash kelishgan. 20ta o'yinda "lochinlar", 13ta uchrashuvda "Metallurg" g'olib bo'lgan. Yana 13ta bahsda tomonlar durang qayd etishgan.

Bekobodda o'tgan oxirgi 10ta o'yinning faqat bittasida "Navbahor" 3 ochko egasiga aylangan. "Navbahor" Bekobodda o'tgan so'nggi 4ta uchrashuvda umuman gol ura olmagan.

19:00 AGMK – MASH'AL
Hakamlar: Asker Najafaliev, Sultonmurod Ulfatov, Sardor Nishonboev, To'rabek Suyunov
Nazoratchi: Andrey Tambovcev
Komissar: Ramil Ilyasov.

Bu jamoalarining o'zaro uchrashuvi tarixiga nazar tashlasak, bunga qadar barcha musobaqalarda jami 18 o'yin o'tkazilgan. Bu borada ustunlik muborakliklar tarafida. AGMK 5 g'alaba, "Mashal" 9 yutuqqa erishgan. Qolgan 4 uchrashuv durang bilan tugagan.

"Mashal" safarda bu raqibni ikki marta (2015 va 2008 yillarda) mag'lub eta olgan. AGMK o'z uyidagi so'nggi ikki uchrashuvda bu jamoani ikki bor mag'lub etgan.

Coca Cola Superliga. 6-tur prevyusi (faqat raqamlar)