"Бунёдкор" – "Пахтакор"
5 ноябрь 2020 йил. Тошкент. "Бунёдкор" стадиони. 17:00
Ҳакамлар: Аҳрол Рисқуллаев, Руслан Самандаров, Бектурсин Канназаров, Достон Мирзараимов
Назоратчи: Ғайрат Каримов
Комиссар: Аббос Аҳроров.

Бугунги учрашувда "Пахтакор" ғалабага эришган тақдирда 13-бор Ўзбекистон чемпионлигини қўлга киритади. Принципиал рақиб билан қарама-қаршиликда чемпионликни нақд қилишга "Пахтакор" ушбу баҳсда уриниб кўради.

"Бунёдкор" билан баҳслар ҳамиша кескин тўқнашувларни тақдим этади. Ҳозиргача ўтказилган 29 беллашувнинг 11тасида "Шерлар" ғолиб бўлишган. 9та баҳсда "Қалдирғочлар" зафар қучишган. Яна 9та баҳсда дуранг кузатилган. "Пахтакор" ўзаро ўйинларда 36та гол уриб, 30та гол ўтказиб юборган. Жамоалар ўртасидаги энг йирик натижа шу йилнинг биринчи даврасида кузатилиб, унда "Пахтакор" 5:0 ҳисобида ютуққа эришган.

"Бунёдкор" ва "Пахтакор" жамоалари ўртасидаги ўйин бугун, 5 ноябрь куни соат 17:00да "Бунёдкор" стадионида бошланади.

Coca Cola Суперлига. Бугун "Пахтакор" 13-бор Ўзбекистон чемпиони бўлиши мумкин