21 avgust, juma
ANDIJON – AGMK
21 avgust 2020 yil. Toshkent. TTYMI stadioni. 17:00. "SPORT TV LIVE"
Hakamlar: Ilgiz Tantashev, Timur Galeev, Baxtiyorxo'ja Shavkatov, Adhamjon Ergashev
Nazoratchi: Aleksandr Popov
Komissar: Muhammad Sodiq Sodiq-Oxunov

Bu mavsum g'alaba qozona olmagan "Andijon" umuman mag'lub bo'lmagan AGMK bilan o'ynaydi.

Ushbu klublar hozirga qadar o'zaro 18ta uchrashuv o'tkazishgan. AGMK 10 bor, "Andijon" 4 bor g'olib bo'lgan. Qolgan 4ta uchrashuvda durang qayd etilgan.

"Andijon" 2011 yildan buyon AGMKni mag'lub eta olmay kelmoqda. AGMKning bu jamoaga qarshi bahslardagi mag'lubiyatsiz seriyasi 10ta o'yinga etgan.

LOKOMOTIV – QO'QON-1912
21 avgust 2020 yil. Olmaliq. OKMK stadioni. 18:30. "DUNYO BO'YLAB TV LIVE"
Hakamlar: Jasur Muxtorov, Rishat Nugmanov, Doniyor Saylavov, Abdurashid Xudoyberganov
Nazoratchi: Dmitriy Roman
Komissar: Ahmed Tillaev

Kecha bosh murabbiy Andrey Fyodorov bilan xayrlashgan "Lokomotiv" bu tur "Qo'qon-1912" bilan to'qnash keladi.

Bu jamoalar O'zbekiston chempionatida hozirga qadar 10 marta o'zaro o'yin o'tkazishgan. Besh marta "Lokomotiv" g'alaba qozongan va besh bor durang qayd etilgan. "Qo'qon-1912" o'z tarixida hech qachon bu jamoani mag'lub eta olmagan.

O'zaro oxirgi 4ta o'yinning barchasida ikkala jamoa kamida bittadan gol urishgan. Oxirgi ikki uchrashuvda esa durang qayd etilgan.

PAXTAKOR – NASAF
21 avgust 2020 yil. Toshkent. "Bunyodkor" stadioni. 19:00. "SPORT TV LIVE"
Hakamlar: Ahrol Risqullaev, Husniddin Shodmonov, Ruslan Serazitdinov, To'rabek Suyunov
Nazoratchi: Baxtiyor Tagaev
Komissar: Jahongir Rahmatullaev

Oxirgi 6ta turda umuman mag'lub bo'lmagan "Paxtakor" so'nggi 3ta turda yutqazmagan "Nasaf"ni qabul qiladi.

Bu klublar hozirga qadar O'zbekiston chempionati doirasida 46 marta o'zaro to'qnash kelishgan. 27 marta "sherlar", 9 marta "ajdarlar" g'olib bo'lishgan. Qolgan 10ta o'yinda g'olib aniqlanmagan.

"Paxtakor" o'zaro so'nggi 4ta o'yinning barchasida "Nasaf"ni mag'lub etgan. So'nggi bor "Nasaf" 2017 yilgi mavsumda "Paxtakor"dan ustun kelgandi.

Coca Cola Superliga. Bugun "Paxtakor" - "Nasaf" va boshqa o'yinlar bo'ladi