19:00 НАВБАҲОР — ПАХТАКОР
1 сентябрь 2020 йил. Наманган. "Марказий" стадион. 19:00 ("Спорт ТВ" LIVE)
Ҳакамлар: Темур Тўхтасинов, Анвар Маражабов, Зиёдулла Абдураҳмонов, Акмал Раҳимов
Назоратчи: Султон Зайлобиддинов
Комиссар: Александр Давиденко.

Тахминий таркиблар:

"Навбаҳор: 1.Ўткир Юсупов, 5.Ғиёс Комилов, 7.Азим Аҳмедов, 9.Иван Соловьёв, 10.Азизбек Турғунбоев, 18.Сардар Теляков, 11.Ислом Исоқжонов, 28.Хуршид Мухторов, 20.Даврон Ҳошимов, 22.Игорь Голбан, 88.Руслан Болов.
"Пахтакор": 25.Элдорбек Суюнов, 3.Ҳожиакбар Алижонов, 5.Анзур Исмоилов, 9.Жалолиддин Машарипов, 10.Драган Черан, 11.Игорь Сергеев, 15.Егор Кримец, 17. Достонбек Ҳамдамов, 20.Одилжон Ҳамробеков, 27.Сардор Собирхўжаев, 34.Фарруҳ Сайфиев.

Суперлиганинг сўнгги 4та учрашувида умуман юта олмаган "Навбаҳор" охирги 4та турда фақат ғалаба қозонган "Пахтакор"ни қабул қилади.

Бу икки клуб ҳозирга қадар Ўзбекистон чемпионатида 58 марта тўқнаш келган. "Шерлар" 36 бор ғалабага эришишган, "лочинлар" ҳисобида 13та ғалаба бор. Қолган 9та учрашувда дуранг кузатилган. 0"Пахтакор" ўзаро ўйинларда 98та, "Навбаҳор" 45та гол урган. "Навбаҳор" охирги ўзаро 4та учрашувда бу жамоани мағлуб эта олмаган - 3та дуранг, 1та мағлубият.

Биринчи даврада "Пахтакор" майдонида ўтган баҳсда мезбонлар 2:1 ҳисобида ғалаба қозонишган. Ўша учрашувда бош ҳакам иккала жамоа футболчилари биттадан қизил карточка кўрсатган эди.

"Навбаҳор"да 4та гол урган Азизбек Турғунбоев клуб тўпурари бўлиб турибди. "Пахтакор"да 13та гол урган Драган Черан ўз клубининг ҳам, чемпионатнинг ҳам тўпурари ҳисобланади.

Coca Cola Суперлига. "Навбаҳор" - "Пахтакор" учрашувига превью