СУРХОН – ҚИЗИЛҚУМ
17 сентябрь 2020 йил. Термиз. "Сурхон" стадиони. 17:00
Ҳакамлар: Аҳрол Рисқуллаев, Ҳусниддин Баҳодиров, Ойбек Калахўжаев, Фарруҳ Янсупов
Назоратчи: Дмитрий Роман
Комиссар: Жамшид Имамов.

Бу жамоалар Ўзбекистон чемпионатида бугунга қадар 13та ўйин ўтказишган. 7 марта "Сурхон", 4 марта "Қизилқум" зафар қучган ва 2 марта дуранг кузатилган. Термизликлар 17та гол уриб, 13та гол ўтказиб юборишган.

Ўзаро ўтган сўнгги 4та учрашувнинг барчасида "Сурхон" ғалабага эришган. "Қизилқум" сўнгги бор бу рақибни 2004 йилда мағлуб этган. "Қизилқум" ўз тарихида ҳеч қачон Термизда ғалаба қозона олмаган - 1та дуранг, 5та мағлубият.

Биринчи даврада Навоийда кечган баҳсда "Сурхон" 2:1 ҳисобида ғалаба қозонган.

АГМК – СЎҒДИЁНА
17 сентябрь 2020 йил. Олмалиқ. ОКМК стадиони. 19:00
Ҳакамлар: Аскер Нажафалиев, Руслан Серазитдинов, Олим Абдувосилов, Ҳусан Музаффаров
Назоратчи: Бобур Ҳайдаров
Комиссар: Жаҳонгир Раҳматуллаев

АГМК ҳамда "Сўғдиёна" ҳозирга қадар 23 марта ўзаро ўйин ўтказишган. Қайд этилган натижалар кўрсаткичи жиззахликлар фойдасига. Ўтказилган беллашувларнинг 9тасида "Сўғдиёна" ғалаба қозонган бўлса, АГМК ҳисобида 8 ғалаба мавжуд. Қолган 6 ўйинда эса дуранг қайд этилган. Тўплар нисбати кўрсаткичи эса АГМК фойдасида: 36-32.

"Сўғдиёна" бу жамоага қарши кечган охирги 4та ўйинда умуман ютқазмаган - 3та ғалаба, 1та дуранг.

Биринчи даврада Жиззахда ўтган баҳсда 1:1 ҳисоби қайд этилган эди.

Coca Cola Суперлига. Термизда умуман юта олмаган "Қизилқум" "Сурхон" меҳмони, 50 ёшга тўлган Қосимов Бақоевга қарши