Mavsum davomida uchrashuvlarning ko'pchiligida do'stona hisob qayd etilganining guvohi bo'ldik.

Jumladan, 27 o'yin, yani barcha to'qnashuvlarning 15% ida 1:1 hisobi qayd etilgan. Ushbu hisob ilk bor 2-turda "Nasaf" – "Metallurg" uchrashuvida, so'nggi bor 24-turda "Qizilqum" – "Qo'qon-1912" bahsida qayd etilgan.

Undan keyingi natija 0:0 hisobi sanaladi. Barcha o'yinlarning 11% i, yani 20 bellashuvda hisob ochilmagan. Ushbu bahslarning dastlabkisi 1-turdan o'rin olgan "Olimpik" – "Surxon" uchrashuviga, oxirgisi esa 21-turda bo'lib o'tgan "Qo'qon-1912" - "Lokomotiv" to'qnashuviga to'g'ri keladi.

Ro'yxatdagi uchinchi pog'ona 1:2 hisobiga to'g'ri keladi. 18 o'yin (10%) mana shu hisobda poyoniga etgan.

Eslatib o'tamiz, yakunlangan mavsum Toshkentning "Paxtakor" klubi chempionlikka ega chiqdi. Ulardan bir ochko kam jamg'argan "Navbahor" ikkinchi o'rinni egallagan bo'lsa, Qarshining "Nasaf" jamoasi uchinchi pog'onani band etdi.

Coca Cola Superligasi-2022. Tabloda eng ko'p qayd etilgan hisobni bilasizmi?