Championat.asia o'tkazilgan bahslar asosida tur laureatlarini aniqladi.

"Bunyodkor" bu tur Qarshida yuqori chempionlik uchun kurashayotgan "Nasaf" mehmoni bo'ldi va 1:1 hisobida durangga erishdi. Toshkentliklar posboni shu kuni o'z mahoratini ko'rsatib, darvozani munosib ravishda qo'riqladi va bir necha bor jamoasini gollardan qutqardi. Eng asosiysi so'nggi soniyalarda Marko Stanoevich tomonidan penaltidan tepgan to'pini qaytardi va jamoasini muqarrar mag'lubiyatdan qutqarib qoldi. "Bunyodkor" darvozaboni Suhrobjon Sultonov Championat.asia sayti talqiniga ko'ra, 23-turning eng yaxshi darvozaboni deb topildi.

"Olimpik" bu tur Namanganda "Navbahor" mehmoni bo'ldi va safardan bir ochko bilan qaytdi. Toshkent klubi birinchi davrada ham "lochinlar" bilan durang o'ynagandi. Namangandagi bahsda Timur Kapadze shogirdlari so'nggi daqiqalarda jarima to'pidan gol o'tkazmaganda balki g'alaba ham qozonishi mumkin edi. Shunday qilib, Championat.asia sayti talqiniga ko'ra, xuddi o'tgan turda bo'lgani kabi Timur Kapadze 23-turning eng yaxshi murabbiyi deya etirof etildi.

Bu turda "Navbahor" yarim himoyachisi Jamshid Iskanderov "Olimpik"ka qarshi bahsda jarimadan chiroyli gol urdi va tur goliga mualliflik qildi. VIDEO

23-turda AGMK vakili Shohruh Gadoev "Dinamo" bilan bahsda juda faol o'ynadi va ikkita golga pas berdi. Shu kuni chap qanot himoyasida harakat qilgan Shohruh Gadoev Championat.asia talqiniga ko'ra 23-turning eng yaxshi futbolchisi deb topildi.

Coca Cola Superligasi. 23-tur laureatlari