Coca Cola Суперлига / 17-тур
17:00 «Бунёдкор» - «Металлург»
Ҳакамлар: Вадим Агишев, Тимур Гайнуллин, Дониёр Сайлавов, Шуҳрат Ражабов
Назоратчи: Бахтиёр Тоғаев
Комиссар: Зоҳир Акрамхонов
Ўтган турда мағлубиятга учраган икки клуб клубнинг ўзаро тўқнашуви.

"Металлург" бу мавсум ҳозиргача сафарда атиги би марта ғалаба қозонди холос. "Бунёдкор" эса ўз майдонида атиги бир марта мағлуб бўлди холос. Қизиғи "қалдирғочлар" ўз майдонидаги сўнгги 5та турда ҳеч кимга ютқазишмади, бекободликлар эса сафардаги охирги 5та ўйинда ҳеч кимга ютқазишмади.

Биринчи даврада бу жамоаларнинг ўзаро ўйинида "Бунёдкор" 2:0 ҳисобида ғалаба қозонган эди.

Бу икки клуб шу кунгача Ўзбекистон чемпионатида ўзаро 27 марта ўйин ўтказишган. Шундан 20тасида "қалдирғочлар" зафар қучишган. Уч марта "Металлург" ғолиб бўлган ва 4 марта дуранг қайд этилган.

"Бунёдкор" ўз майдонида бу жамоага қарши ўтган 13та ўйиннинг 11тасида ғалаба қозонган. Бир марта дуранг (2017 йил) кузатилган ва бир марта "Металлург" сафарда ғалаба қозонган (2007 йил).

18:00 «Андижон» - «Навбаҳор»
Ҳакамлар: Виктор Серазетдинов, Тимур Галеев, Равиль Шояхмитов, Олим Тўйчибоев
Назоратчи: Ноил Лутфуллин
Комиссар: Сардор Қудратуллаев
Бу турдаги водий дербиси. "Навбаҳор" иккинчи давранинг дастлабки 3та турида умуман ғолиб бўлмади (1 дуранг ва 2 мағлубият). "Андижон" эса аксинча сўнгги учта ўйинда ютқазмади (2 ғалаба ва 1 дуранг).

Дастлабки даврада Наманганда ўтган ўзаро учрашувда томонлар 1:1 ҳисобида дуранг ўйнашган эди.

Бу клублар Ўзбекистон чемпионатида бунга қадар 47 марта ўзаро ўйин ўтказишган. Каттагина устунлик Наманган клуби томонида. "Навбаҳор" 24 бор зафар қучган. 10 марта "Андижон" 3 очкони қўлга киритган. Яна 13та учрашувда эса дуранг кузатилган.

"Андижон" ўз майдонида бу жамоани 10 марта мағлуб этган экан. "Навбаҳор" ҳисобида эса Андижонда қўлга киритилган 6та ғалаба бор. "Бургутлар" ўз майдонидаги охирги 3та ўйинда "Навбаҳор"ни 3 марта мағлуб этган. Сўнгги бор "лочинлар" 2012 йил бу жамоа майдонидан 3 чко билан қайтишган.

19:15 «Қизилқум» - «Динамо»
Ҳакамлар: Шерзод Қосимов, Санджар Шоюсупов, Алишер Усмонов, Ҳусан Музаффаров
Назоратчи: Игорь Нехочин
Комиссар: Шерзод Ражабов.
Охирги икки турда ютқазган ва гол ура олмаан "Қизиқум" ўз майдонида бу мавсумда сафарда ҳали умуман ғалаба қозона олмаган "Динамо"ни (3 дуранг ва 4 мағлубият) қабул қилади.

Самарқанд клуби Суперлигадаги охирги 4та ўйиннинг барчасида мағлуб бўлди ва сўнгги икки турда худди "Қизилқум" каби рақиб дарвозасига гол ура олмади.

Биринчи даврада Самарқандда ўтган баҳсда 2:2 ҳисоби қайд этилган эди.

Бу икки клуб Ўзбекистон чемпионатларида 35 марта ўзаро ўйин ўтказишган. Шундан 15тасида "Қизилқум"нинг қўли баланд келган, 10та учрашувда Самарқанд клуби зафар қучган. Қолган 10та ўйинда ғолиб аниқланмаган.

"Динамо" "Қизилқум"ни сафарда фақат бир марта (2008 йил) мағлуб эта олган экан. Ўзаро ўйинларнинг охирги 5тасида хоҳ уйда, хоҳ сафарда бўлсин "Динамо" умуман ғалабага эриша олмаган (2 дуранг ва 3 мағлубият).

Coca Cola Суперлигаси. Андижонда дерби, "Бунёдкор" "Жар"да, "Динамо" Навоийда ўйнайди