"ANDIJON" - "LOKOMOTIV"
24 noyabr. Andijon. "Sog'lom Avlod" stadioni. 14:30
Hakamlar: Rustam Lutfullin, Timur Galeev, Aleksandr Sidorov, Ibrohim Ismoilov
Nazoratchi: Baxtiyor Tog'aev
Komissar: Alisher Fayziev

Superligada 9ta o'yindan buyon hech kimga yutqazmayotgan, ikkinchi o'rindagi "Lokomotiv" oxirgi ikki uchrashuvda g'alaba qozona olmagan "Andijon" mehmoni bo'ladi.

Bu ikki jamoa O'zbekiston chempionatida o'zaro 21ta o'yin o'tkazgan. 14ta uchrashuvda "Lokomotiv", to'rtta o'yinda "Andijon"ning qo'li baland kelgan. Yana uchta bahsda durang qayd etilgan. "Andijon" o'z maydonida oxirgi to'rtta uchrashuvda "Lokomotiv"ga to'rt marta mag'lub bo'lgan. So'nggi marta "burgutlar" 2010 yilgi mavsumda Andijonda "temiryo'lchilar"ni mag'lub etishgandi.

Bu ikki jamoaning o'zaro oxirgi 8ta uchrashuvida (xoh uyda, xoh safarda bo'lsin) "Lokomotiv" 8 marta g'alaba qozongan.

Birinchi davrada Toshkentda o'tgan bahsda "temiryo'lchilar" 4:0 hisobida g'alaba qozonishgan edi. Anzur Ismoilov, Igor Yelich, Temurxo'ja Abduxoliqov va Jamshid Iskanderov "burgutlar" darvozasini ishg'ol qilishgandi.

"SURXON" - "SO'G'DIYONA"
24 noyabr. Termiz. "Surxon" stadioni. 14:30
Hakamlar: Viktor Serazetdinov, Rasuljon Fozilov, Maksim Nexochin, Husan Muzaffarov
Nazoratchi: Sardor Najafaliev
Komissar: Erkin Baxtiyorov.

Bronza medalini qo'lga kiritish uchun juda yaxshi imkoniyatga ega bo'lgan "So'g'diyona" uchinchi o'rin uchun nazariy imkoniyatga ega bo'lgan "Surxon" mehmoni bo'ladi.

"Surxon" uchta turdan buyon g'alaba nimaligini bilmay kelmoqda (bir durang va ikki mag'lubiyat).

"So'g'diyona" esa oxirgi ikki uchrashuvda ikki marta g'olib bo'ldi va o'z darvozasidan umuman gol o'tkazmadi.

Tarixga etibor qilsak o'zaro 23ta uchrashuvning 10tasida "Surxon", 10tasida "So'g'diyona" g'olib bo'lgan. Qolgan uchta bahsda durang kuzatilgan.

Termizda o'tgan o'zaro bahslarda "So'g'diyona" uch marta g'alaba qozongan. So'nggi marta 2001 yilda Jizzax klubi "Surxon" maydonida 3 ochkoni qo'lga kiritgan ekan.

Birinchi davrada Jizzaxda o'tgan bahsda "Surxon" yirik g'alabani tantana qilgandi. Shavkat Salomov dublga erishgan bo'lsa, yana bita golga Sherzod Hakimov mualliflik qilgandi - 3:0.

"BUNYODKOR" - "NAVBAHOR"
24 noyabr. Toshkent. "Bundkor" stadioni. 16:45
Hakamlar: Firdavs Norsafarov, Farhod Usmonov, Zufar Aliboev, Ravshan Abduvohidov
Nazoratchi: Oleg Dachev
Komissar: Sardor Qudratullaev

Vadim Abramov boshchiligidagi "Bunyodkor" o'z maydonida Andrey Kanchelskis boshqarayotgan "Navbahor"ni qabul qiladi. "Bunyodkor" uchinchi o'rin uchun kurashmoqda. "Navbahor"da ham bronza medali uchun nazariy jihatdan imkoniyat saqlanib turibdi.

"Lochinlar"ning mag'lubiyatsiz seriyasi 4ta, "qaldirg'ochlar"ning mag'lubiyatsiz seriyasi esa 2ta o'yinni tashkil etmoqda.

Bu jamoalar hozirga qadar 27ta bahsda maydonga tushishgan. Ustunlik "Bunyodkor" tomonida. "Qaldirg'ochlar" 18ta uchrashuvda g'olib bo'lishgan, 4ta bahsda "lochinlar" zafar quchishgan. Qolgan 5ta o'yinda g'olib aniqlanmagan.

"Bunyodkor" o'z maydonida hech qachon bu jamoaga yutqazmagan - 11ta g'alaba va 2ta durang.
"Navbahor"ning uy stadioni tamirlanayotgani bois bu jamoalar o'rtasidagi birinchi davradagi bahs Farg'onadagi "Istiqlol" stadionida o'tkazilgan edi. "Lochinlar" tarkibida Aleksandr Kasyan va Abbos G'ulomov gol urishgan, "qaldirg'ochlar" safida Jasur Jaloliddinov va Xurshid G'iyosov (ikkita) to'p kiritishgandi - 2:3. Uchrashuv so'nggida Kasyan penaltidan gol ura omaganini qo'shimcha qilish lozim.

Coca Cola Superligasida bugun 24-tur tugaydi