18:00 - “Metallurg” – “Paxtakor”
Hakamlar: Ravshan Abdivohidov, Farhod Usmonov, Zufar Eliboev, Olim To'ychiboev
Nazoratchi: Bobur Haydarov
Komissar: Shoxrux Said

Bu mavsumda umuman mag'lub bo'lmagan "Paxtakor" Bekobodda "Metallurg" mehmoni bo'ladi. Andrey Shipilov boshchiligidagi jamoa oxirgi ikki turda "Navbahor" va "Lokomotiv"ga qarshi maydonga tushib, mag'lub bo'lmadi.

"Paxtakor" va "Metallurg" O'zbekiston chempionatida jami 45 marta to'qnash kelishgan. 37ta uchrashuvda "sherlar" zafar quchishgan. To'rtta o'yinda durang qayd etilgan va 4 marta bekobodliklar 3 ochkoni qo'lga kiritishgan.

Birinchi davrada Toshkentda o'tgan bahsda "sherlar" 2:1 hisobida g'alaba qozonishgandi. O'shanda Dragan Cheran dublga erishgan bo'lsa, bekobodliklar safida Islombek Isoqjonov gol urgandi.

Bu jamoalar o'rtasidagi oxirgi o'zaro 7ta o'yinning barchasida "Paxtakor" g'olib bo'lib kelmoqda. So'nggi marta 2016 yil "Metallurg" "Paxtakor"ni mag'lub etgan. Agar "Paxtakor" bugun g'alaba qozonsa rasman muddatidan oldin chempion bo'ladi.

18:00 - “So'g'diyona” – “Navbahor”
Hakamlar: Vadim Agishev, Ruslan Serazetdinov, Aleksandr Sidorov, Rahimbek Karimov
Nazoratchi: Oleg Dachev
Komissar: Jahongir Rahmatullaev

Ikkinchi davrada umuman mag'lub bo'lmay kelayotgan "So'g'diyona" o'z maydonida ikki turdan buyon faqat mag'lubiyat alamini totib ko'rayotgan "Navbahor"ni qabul qiladi.

Jizzax klubining mag'lubiyatsiz seriyasi 6ta o'yinga etdi (4 g'alaba va 2 durang). "Lochinlar" esa 218 daqiqadan buyon raqiblar darvozasiga yo'l topa olishmayapti. "So'g'diyona"ning "quruq seriya"si esa 200 daqiqaga etdi. "Navbahor" oxirgi 6ta o'yinda atiga bitta gol urdi xolos.

O'zbekiston chempionati doirasida bu ikki jamoa jami 47 marta to'qnash kelishgan. 24ta uchrashuvda "lochinlar" zafar quchishgan. 6 marta durang kuzatilgan va 17ta bahsda jizzaxliklar ustun kelishgan. Etiborlisi mana shu 17ta g'alabaning hammasi Jizzaxda qayd etilgan ekan.

Birinchi davrada Namanganda kechgan o'zaro to'qnashuvda "Navbahor" 3:1 hisobida g'olib chiqqan. O'shanda Slavko Lukich hisobni ochgan Aleksandr Kasyan dublga erishgandi. Ikkinchi taymda "So'g'diyona" safida Sanjar Rashidov hisobni qisqartirgan edi.

Coca Cola Superligasi. Bugun "Paxtakor" Bekobodda chempionlikni rasmiylashtirishi mumkin, "Navbahor" Jizzaxda o'ynaydi