- Daler, birinchi davra yakunlandi. Bekobod jamoasi hozirda turnir jadvalining so'nggi o'rnida va Kubok bahslarini ham erta tark etdi. G'alabalar uchun nima etishmayapti?

- To'g'ri, birinchi davra jamoamiz uchun omadsiz o'tdi, ko'plab o'yinlarda g'alaba qozonish imkoni bo'ldi, lekin omadsizlik sabab g'alabani qo'ldan boy berdik. Biz futbolchilar xar bir o'yinda g'alaba uchun maydonga chiqamiz. Kubokda ham kuchlar teng kechgan uchrashuvda penaltilar seriyasida "Surxon" klubiga imkoniyatni boy berdik.

- Jamoa liderlaridan biri Zabihillo O'rinboevning uzoq vaqtlik jarohatdan qaytib, ikkinchi davrada maydonga tushishi jamoaga qulaylik yaratadimi ?

- Albatta, Zabihillo O'rinboev jamoamiz etakchisi. Ikkinchi davrada uning maydonga qaytishi hujum chizig'imizda raqobatni oshiradi. Nasib qilsa, jamoani bugungi og'ir vaziyatdan olib chiqib ketamiz.

- Tengdoshlaringiz, O'zbekiston olimpiya terma jamoasi vakillarining Olimpiada o'yinlaridagi imkoniyatlarini qanday baholaysiz ?

- O'zbekiston U-23 terma jamoasi kuchli futbolchilar va yaxshi murabbiylar shtabiga ega. Nafaqat men, balki butun markaziy Osiyo davlatlari O'zbekistonga muxlislik qiladi. Aytib o'tganimdek, bu futbolchilar Olimpiadada yaxshi ishtirok etib, sovrinli o'rinlarni qo'lga kiritishiga, shuningdek, chempion bo'lishiga ham ishonaman.

Furqat Po'latov suhbatlashdi

Daler Sharipov: "O'zbekistonlik olimpiyachilar sovrinli o'rin uchun kurasha olishadi"