Uchrashuvda Damir Temirov tomonidan urilgan yagona gol mehmonlarga g'alaba keltirdi. Yarim himoyachi ayni paytda 4ta gol bilan Superligada jamoasining to'purari bo'lib turibdi. Uchrashuvdan so'ng Damir Temirovning fikrlari bilan qiziqdik.

- O'yin haqida...

- Tomoshabop va kurashlarga boy o'yin bo'ldi, deya olaman. Chinakam Toshkent viloyati derbisi bo'ldi. Muxlislar va jamoadoshlarimga rahmat aytaman.

- "Metallurg" bu yil ikkita o'yinda ham AGMKni mag'lub etishga erishdi. Bu borada raqibga qarshi maxsus tayyorgarlik ko'rilganmidi?

- Har bir o'yinga raqibdan kelib chiqib tayyorgarlik ko'ramiz. Ularni o'rganamiz. Murabbiylar bu borada tegishli ko'rsatmalarni berishadi.

- Burchakdan to'g'ri raqib darvozasini ishg'ol qildingiz. Bu qanday amalga oshdi?

- Mashg'ulotlarda standartlar ustida ko'p ishlaymiz. Golga kelsak, omadim keldi. O'ylaymanki bu oxirgisi bo'lib qolmaydi.

- Mavsum oxirigacha nechta gol urishni maqsad qilgansiz?

- O'z oldimga doim maksimal vazifa qo'yaman. Nechta gol urish nasib qilgan bo'lsa, shuncha to'p kiritaman. Hammasi xudodan.

- AGMKning boshqalar payqamaydigan qanday xatolarini sezdingiz?

- Boshqa jamoaning xatolarini muhokama qilmoqchi emasman. Futbol kamchiliklardan iborat.

Damir Temirov: "Burchakdan gol? O'ylaymanki, bu oxirgisi bo'lmaydi"