Kecha, 28 may kuni Daniya chempionatining 24-turidan o'rin olgan "Orxus" va "Ranners" o'rtasidagi uchrashuv bo'lib o'tdi. Koronavirus epidemiyasi tufayli stadionlarga muxlislar kiritilmayapti. Biroq "Orxus" klubi bahs o'tkazilishidan bir hafta avval o'yinni "Zoom" programmasi orqali tomosha qilish mumkinligini elon qildi. Malumot uchun: Zoom - audio va video konferenciyalar o'tkazish uchun mo'ljallangan ilova.

Virtual chiptalar tekinga berildi. Ularni klub rasmiy saytidan olish mumkin edi. Ammo bu translyaciya televizordagi efirdan nimasi bilan farq qiladi deyishingiz mumkin. O'yin vaqtida tribunalarga o'rnatilgan ekranlarda muxlislar va ularning uylari namoyish etildi.

Bahsni tomosha qilgan deyarli barcha ishiqbozlar uchrashuv payti "Orxus" ramzi aks etgan futbolka yoki sharfda edi. Kimlardir o'yinni klub futbolkalari kollekciyasi fonida tomosha qilgan bo'lsa, boshqalar bahsni do'stlari yoki oilasi davrasida ko'rdi.

O'yinni "Zoom" orqali tomosha qilmaganlarning bir qismi bahsni ochiq osmon ostidagi avtokinoteatrda kuzatdi.

Bahsni jonli efirda tomosha qilgan muxlislar "Orxus"ni 92-daqiqada mag'lubiyatdan qutilib qolganiga guvoh bo'lishdi.

Daniyada muxlislar o'yinni stadionda tomosha qilishmoqda, ammo...