- Osiyo chempionatiga tashlangan qura haqida nima deya olasiz?
- Guruhimizda oson o'yinlar bo'lmaydi. Barcha o'yin og'ir o'tishi aniq. Chunki hamma jamoa Jahon chempionatiga chiqishni istaydi.

- Guruhdan joy olgan jamoalar haqida...
- Livan va Qirg'izstonga qarshi bir necha marta o'ynaganman. Qirg'iziston kuchli va ahil jamoa. Livan ham o'z o'yin uslubiga ega jamoa. Ular bor kuchi bilan keyingi bosqichga chiqishga harakat qilishadi.

- Saudiya Arabistoni "sirli tulpor"mi?
- Saudiya Arabistoni bilan oldin o'ynamaganmiz. Ular "sirli tulpor" bo'lishadimi yoki yo'qmi buni vaqt ko'rsatadi. Musobaqa boshlanishiga qadar murabbiylar raqiblar haqidagi barcha malumotlarni berishadi. Menimcha ko'proq Saudiya Arabistonini o'rgansak kerak.

- Belarus terma jamoasiga qarshi o'tgan ikkita o'yin haqida fikrlaringiz.
- Belarus juda ham yaxshi shakllangan jamoa. O'yinlar oson kechgani yo'q. Raqib bizga qarshi ancha yaxshi tayyorgarlik ko'rgani malum bo'ldi. Birinchi o'yinda Belarus g'alabaga erishdi. Lekin biz ham vaqti kelganda tezlik bilan o'yin uslubimizni o'zgartira olishimizni ko'rsatdik va ikkinchi uchrashuvda zafar quchdik, - deydi Davron Abdurahmonov.

Narzulla Saydullaev yozib oldi

Davron Abdurahmonov: "Belarus bizga qarshi ancha yaxshi tayyorgarlik ko'rgani malum bo'ldi"