– Барча гувоҳ бўлди – бугун жуда қизиқарли ўйин бўлди. Лекин натижа бизнинг фойдамизга ишламади. Биз сўнгги турлардаги учрашувларимиздан сўнг ўзимизга бўлган ишончни қайтараётган эдик. Мухлислар биздан албатта чиройли ўйин ва ғалаба кутишаётган эди. Бугунги натижа учун улардан узр сўрайман.

Бизнинг оғир кунларимизда ҳам, хурсандчилик кунларимизда ҳам тинмай қўллаб-қувватлаб туришаётганликлари учун мухлисларга раҳмат айтаман. Уларни ишончини оқлашга ҳаракат қиламиз. Ўйин ҳақида тўхталадиган бўлсам, ўйин биринчи тўп киритилгунга қадар давом этди. Агар биз биринчи бўлиб тўп киритганимизда биз ғалаб қозонардик.

Умумий томонлама олиб қаралганда бугунги ўйин дуррангга мос эди. Ташкиллаштирган кўплаб хавфли вазиятларимизда сўнгги зарбани берадиган футболчи топилмади. Турнир жадвалининг пастки қисмида жуда қизғин кураш кетаяпти. Бу курашда олдиндан қўл кўтариш бўлмайди. Кўп учрашувларда етарлича 100 фоиз голга тортадиган вазиятлар яратаяпмиз. Уларни голга айлантиришда маҳорат ва омад етишмаяпти. Омад ҳам ўз-ўзидан келавермайди. Омад келиши учун тинмай меҳнат қилиш лозим. Омадни ўз томонимизга оғдириш йўлида ишлашда давом этамиз.

Жасур Ҳакимов кеча жамоа машғулотларига қўшилди. Унда чарчоқ аломатлари борлиги учун таркибга киритмадим. Шунингдек “Нефтчи” жамоасига қарши салкам икки ҳафта давом этган машғулотларимизда ҳам Жасур иштирок этмаганди”, - дейди Даврон Файзиев.

Даврон Файзиев: “Бизга омад етишмаяпти”