"O'yin borasida nima deyishim mumkin. "Sug'diyona" jamoasini g'alaba bilan tabriklayman. Ikkinchi o'yindirki, darvozamizdan gol o'tkazib yuborganimizdan keyin futbolchilar ruhiy tushkunlikka tushub qolishmoqda. Bu holat safarda "Buxoro" bilan o'yindan so'ng paydo bo'ldi. Yigitlarga tushuntirgan edik, qizil kartochka esa yanada qo'shimcha kuch bilan o'ynashimizga majbur qildi. Bosh murabbiy Baxtiyor Azamovich betobligi sababli bugun o'yinda ishtirok eta olmadi. "Sug'diyona" bilan o'yinga taktika, tarkibni murabbiylar shtabi maslahatlashgan holatda birgalikda Baxtiyor Azamovich bilan telefonlashib tuzib chiqdik. O'ylagan rejalarimiz natija bermadiim demak biz tanlagan yo'l noto'g'ri bo'lib chiqadi.

Ikkinchi davra boshlangan. Yigitlarga tushuntiryapmiz. Yuqori o'rinlarni egallashni o'ylasak, yaxshi natijalarni qayd etishimiz lozim, javobgarlikni bo'yinimizga olishimiz kerak.Futbolchilarni bunday holatdan olib chiqish haqida o'ylayapmiz. Bugun o'n kishi bo'lib qolgan bo'lsak ham yomon o'ynamadik, himoyaga yotib olmadik, hujum qildik. Lekin futbolda natija bo'lmasa qiyin. Yigitlarga rahmat aytgan holda “Bunyodkor”ga qarshi bahsga tayyorgarlik ko'ramiz.

Agar etibor bergan bo'lsangiz, “Buxoro” bilan bo'lgan bahsda ikkinchi gol, “Metallurg”ga qarshi o'yinda birinchi gol va bugungi gollarda ham himoyada xatoga yo'l qo'yildi. Demak, buning ustida ko'proq ishlashimiz kerak. Birinchi davrada yuqori darajada o'ynagandik. Faqat himoyachilarni ayblash noo'rin. Mag'lubiyatda barcha aybdor. Biz murabbiylar ham. Xatolar ustida ishlaymiz. Futbol xatolardan iborat, xato bilan xatoni farqi bor.

Bosh murabbiymizning qachon tuzalishini bilmaymiz. Jamoamiz. shifokori bu savolga javob beradi.

Elementlar xatolar futbolchilar mahorati bilan bog'liq deb o'ylayman. Elementlar xatoga maydonni ayblab bo'lmaydi. Yutishni istagan jamoa to'g'ri pas berishni bilishi, oldinga pas berishni o'rganishi lozim. Maydon bahona qilsam bo'lmaydi. Buni mahorat bilan bog'lash mumkin. Futbolchilarni narxini solishtiradigan bo'lsak, "Sug'diyona" bizdan ustun. Faqat o'ynamagan futbolchi xato qilmaydi. Mahorat yillar davomida keladi. Ishlash kerak. Hamma inson xato qiladi",- deydi Davron Fayziev.

Davron Fayziev: "Faqat o'ynamagan futbolchi xato qilmasligi mumkin"