- "Obod" jamoasiga havasim keldi. Ularning yosh futbolchilari ko'rsatgan o'yiniga havas qildim. Mag'lubiyatni haqqoniy ekanligini qabul qilib olish ham mardni ishi. Futbolni yurib emas, yugurib o'ynaladi. Shundagina g'alabaga erishish mumkin. "Obod" birinchi golni haqqoniy urdi. Shunchaki qanot hakamining avvaliga bayroqchasini ko'tarib qo'ygani futbolchilarni chalg'itdi. Lekin bu vaziyatda futbolchilarim oxirigacha kurashishlari kerak edi. Timur Hakimovni maydonga tushirganim bu meni aybim. Chunki Timur jarohatidan to'liq forig' bo'lganiga ishonmagandim. Bugun ham tekis joyda oyog'ini qayirib oldi. Futbolni qog'ozdagi nomlar bilan o'ynab bo'lmaydi. Bugun jamoamiz raqibga nisbatan hurmatsiz harakat qildi va "Obod"ni mensimadi. "So'g'diyona"ga xarakter va ishtiyoq etishmadi. Sanjar Rashidovning o'yinidan qoniqdim, ammo Muzaffarovning ko'rsatgan futboli talabga javob bermadi. Chunki Muzaffar ikkinchi bellashuvdirki o'z darajasidan past o'ynamoqda.

- Uchrashuv qaydnomasida bosh murabbiy, yani siz, darvozabonlar murabbiyi va bosh shifokordan boshqa hech kim qayd etilmagandi. Qolganlar qani?

- Bu savolni qachonlardir berishlarini kutgandim. To'g'risi, hozirda bazi futbolchilardan qarzdorligimiz bor va PFL shuning uchun jamoa mamuri, yordamchi murabbiylarni licenziyasini olib qo'ygan. Qachonki qarzdorlikni yopsak, shundagina licenziyalarni qaytarib berishadi. Qonun va qoida barcha joyda bir xil. Ularning ko'magi menga o'yin paytida albatta etishmayapti.

Davron Fayziev: "Obod"ga havasim keldi"